A actuación supón un investimento próximo aos 50.000 euros subvencionados parcialmente pola Xunta de Galicia
Cervo, 1 de decembro do 2025. O Concello de Cervo iniciou a rehabilitación da antiga Escola Unitaria de Rúa, cunha superficie de 226 m², co obxectivo de transformala nun local cultural. O proxecto, financiado parcialmente mediante unha subvención da Xunta de Galicia, supón un investimento de case 50.000 euros.
As obras inclúen a mellora da envolvente do edificio mediante trasdosados con illamento de lana mineral, pintura de calidade e renovación de revestimentos, garantindo así confort térmico e lumínico. Ademais, instalaranse sistemas de ventilación con recuperador de calor e iluminación LED, incluíndo emerxencias, que optimizan tanto a eficiencia enerxética como a seguridade do espazo.
A alcaldesa de Cervo, achegouse a supervisar os traballos acompañada do concelleiro, Adrián Arias e destacou que “esta actuación non só recupera un edificio histórico do noso municipio, senón que tamén crea un espazo de encontro para a veciñanza e un punto de referencia para actividades culturais. Apostar polos locais sociais é fundamental para manter viva a vida comunitaria nas nosas parroquias”.
Con esta iniciativa, o Concello de Cervo aposta por poñer en valor espazos históricos e culturais, creando lugares de reunión e encontro que resultan especialmente importantes nas zonas rurais, onde estas oportunidades de convivencia e actividades culturais fortalecen a vida comunitaria e manteñen activa a socialización do municipio.
Cabe destacar que esta intervención forma parte dunha aposta continuada do Concello, que destina fondos públicos para mellorar de forma paulatina cada local social en cada burgo e parroquia, entendendo o seu papel dinamizador e como lugar de encontro da veciñanza.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
