Ribadeo, 18 de decembro de 2025. Acisa presenta as súas novas bolsas. Trátase dun paquete de máis de 15.000 unidades, que están dispoñibles gratuitamente para o comercio asociado para esta campaña de Nadal.
O xerente de Acisa, Jesús Pérez, dixo que “como adoitamos a facer polo Nadal este ano tamén entregamos de forma totalmente gratuíta materiais aos nosos asociados e asociadas. Primeiro fixémolo cos envases de hostalería, hai uns meses, despois para o comercio co papel e as etiquetas de regalo e agora cunha nova remesa de 15.000 bolsas de comercio para repartir gratuitamente entre os establecementos asociados”.
E engadiu: “deste xeito respondemos ás necesidades dos nosos asociados e asociados, que diariamente no comercio veñen utilizando as bolsas que dende Acisa lles proporcionamos de forma gratuíta, e que sen dubida é unha das súas maiores demandas, sobre todo na campaña de Nadal”.
A presidenta de Acisa, Carmen Cruzado, explicou que “estas novas bolsas teñen un deseño renovado. Utilizamos a imaxe corporativa de Acisa deste ano 2025, na que se poden ver diferentes edificios de Ribadeo baixo o slogan Ribadeo Emprende, Ribadeo comercio vivo. Con estes dous slogans pretendemos poñer en valor dúas realidades da nosa vila, por un lado, que Ribadeo é un pobo emprendedor, onde día a día se poñen en marcha novos proxectos empresariais que dan traballo e vida a este concello, e a segunda realidade, que Ribadeo ten un comercio vivo, que a diario atende a veciñanza e visitantes co obxectivo de satisfacer as súas demandas e necesidades. O tamaño das bolsas é o habitual, de tipo mediano que serve para unha gran maioría dos negocios, son de papel reciclado e biodegradables”.
E subliñou que “aqueles asociados e asociadas que solicitaron con antelación estes materiais así coma o papel e as etiquetas de regalo, poden comezar a recollelos nas oficinas de Acisa, na rúa San Roque, 57-baixo, de 9:30 a 14:30 horas”.
Carmen Cruzado agradeceu “a colaboración de todas as administracións coas que contamos e traballamos desde Acisa, que sempre buscan o apoio ao tecido empresarial ribadense e sobre todo a súa dinamización económica e neste caso concreto grazas á Xunta de Galicia e ao Concello de Ribadeo que co financian estes materiais”.
Na presentación das novas bolsas de Acisa participaron o alcalde, Dani Vega, a concelleira de Comercio, Marta Saiz, a presidenta de Acisa, Carmen Cruzado, a tesoureira da asociación, Manoli Torviso, e o xerente, Jesús Pérez.
Ampliacións horarias polo Nadal
Acisa Ribadeo informa da resolución que autoriza as ampliacións horarias para os establecementos de hostalaría con motivo de distintas festividades ao longo do Nadal 2025/2026 e do ano 2026.
Segundo explica Jesús Pérez, xerente do colectivo empresarial ribadense: “no período de Nadal 2025/2026, a ampliación será aplicable ás madrugadas comprendidas entre o 22 de decembro de 2025 e o 6 de xaneiro de 2026, con motivo das celebracións do Nadal. Así mesmo, durante o ano 2026 contémplanse ampliacións horarias nos seguintes períodos festivos: Entroido, nas madrugadas do 12 ao 18 de febreiro; Semana Santa, nas madrugadas do 29 de marzo ao 5 de abril; Ribadeo Indiano, nas madrugadas do 10 ao 12 de xullo; festas de San Roque, nas madrugadas do 14 ao 17 de agosto; e festas patronais de Santa María do Campo, nas madrugadas do 1 ao 9 de setembro”. E dixo: “aínda que se solicitou unha ampliación horaria para un maior número de días, non foi posible conseguila”.
Pérez Prada indicou: “durante estes días, os establecementos hostaleiros disporán de dúas horas adicionais sobre o seu horario habitual de licenza, quedando fixados os novos horarios de peche do seguinte xeito: bares e cafeterías, das 02:30 pasan ás 04:30 horas ; pubs das 04:00 ás 06:00 da madrugada; e discotecas e salas de festas, das 06:00 ás 08:00 da mañá”.
A presidenta de Acisa, Carmen Cruzado, manifestou que “lembramos o valor e a importancia destas medidas como un apoio ao sector hostaleiro en períodos de especial afluencia de público e agardamos poder seguir traballando desde Acisa para defender os intereses do tecido empresarial local en xeral e, en particular, da hostalaría ribadense. Aproveitamos a ocasión para desexarlles a todas as asociadas e asociados e á súa clientela unha boas festas e un feliz aninovo. Nestas datas e o resto do ano agardamos seguir contando coa súa fidelidade para que os nosos negocios sigan vivos e para que Ribadeo continúe a ser o referente que é en toda a contorna”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
