A Mariña, 19 de decembro de 2025. A asociación ecoloxista ADEGA pon en marcha unha nova campaña de recadación solidaria #TiPodesParalos para recorrer no Tribunal Superior de Xustiza de Galiza (TSXG) o polígono eólico As Louseiras, proxectado pola empresa Greenalia nos concellos lucenses da Pastoriza e Meira, na comarca da Terra Chá e Meira. O proxecto contempla a instalación de 3 aeroxeradores de ata 200 metros de altura nunha contorna ambientalmente sensible, con graves impactos sobre a biodiversidade, a paisaxe e o patrimonio cultural.
En concreto, ADEGA procura fondos solidarios para afrontar os custos técnicos e xurídicos do recurso de alzada e do recurso contencioso-administrativo no Tribunal Superior de Xustiza de Galiza, contra a autorización administrativa previa e de construción deste proxecto eólico, co obxectivo de evitar a súa implantación.
Un proxecto nunha zona de sensibilidade ambiental máxima
O parque eólico As Louseiras localízase maioritariamente dentro da Reserva da Biosfera Terras do Miño, concretamente na súa zona tampón, e ocupa unha área cualificada polo propio Ministerio para a Transición Ecolóxica como de “sensibilidade ambiental máxima” e de exclusión para a implantación de parques eólicos. Ademais, o polígono sitúase a pouca distancia dunha área proposta pola Xunta para a ampliación da Rede Natura 2000, e tamén a menos de 5 km da Área prioritaria para a conservación da avifauna ameazada da Terra Chá.
ADEGA advirte tamén dunha posible fragmentación artificial dun único macroproxecto eólico, xa que As Louseiras comparte poligonal e infraestruturas cos parques eólicos Monzón e Ventisca (os dous en tramitación), e Carballal (autorizado e recorrido por ADEGA), todos eles promovidos por Greenalia e deseñados para fornecer enerxía á planta de Alcoa na Mariña. Esta división dos proxectos, alerta a organización, podería constituír unha fraude de lei, ao minimizar artificialmente os impactos avaliados no procedemento ambiental, xa que non se consideran os efectos sinérxicos e acumulativos do conxunto das instalacións, que ademais evacúan pola mesma liña eléctrica.
Risco para a avifauna ameazada e para o patrimonio
Ao tempo, o proxecto eólico As Louseiras presenta unha afección directa sobre especies protexidas e ameazadas, como o millafre real (Milvus milvus), a tartaraña cincenta (Circus pygargus) e a gatafornela (Circus cyaneus), todas elas con presenza constatada na contorna inmediata do proxecto. No caso do millafre real, especie catalogada en perigo de extinción, existe un durmidoiro situado a menos de 3,5 km dos aeroxeradores proxectados e a menos de 400 metros da liña de evacuación compartida cos parques de Monzón e Ventisca. Tendo en conta que as áreas de campeo e forraxeo desta especie poden acadar unha media de 12,5 km arredor dos seus durmidoiros, a localización do parque supón un elevado risco de colisión e perturbación para estas aves, que non foi adecuadamente avaliado no estudo de impacto ambiental.
A nivel paisaxístico e cultural, o parque eólico As Louseiras provocaría alteracións en espazos de grande valor natural e cultural. O proxecto afecta as Áreas de Especial Interese Paisaxístico do Pedregal de Irimia e de Fonmiñá, así como o miradoiro do Pico do Forno de Martín, un dos puntos máis emblemáticos da Serra de Meira.
Tamén se verían alterados o Itinerario de Interese Paisaxístico Serra de Meira, o sendeiro Augas de Fonmiñá, o Castro de Saá e o trazado histórico da Vía Rexia, unha vía de peregrinación documentada que conecta Vegadeo con Lugo e enlaza co Camiño Primitivo. A acumulación de grandes infraestruturas industriais nun espazo de alto valor natural e cultural suporía, segundo ADEGA, unha perda irreversible da súa integridade paisaxística e patrimonial.
Chamada á solidariedade
ADEGA fai un chamamento á cidadanía a apoiar a campaña #TiPodesParalos para evitar a construción deste parque eólico na Terra Chá, e lembra que as doazóns desgravan en Facenda ata un 80%. A primeira fase da recadación terá unha duración dun mes desde este venres, 19 de decembro, e nela será preciso acadar un mínimo de 3.600 euros, que serán destinados a presentar recurso de alzada e elaborar o informe técnico ambiental. Xa nunha segunda fase, de 2 meses de duración, ADEGA procurará reunir o importe restante, 3.700 euros, para interpoñer recurso contencioso-administrativo e solicitar a paralización cautelar.
Ata o de agora, a campaña de doazóns #TiPodesParalos permitiu á organización recorrer nos tribunais unha trintena de proxectos eólicos en todo o territorio galego, a meirande parte freados cautelarmente no Tribunal Superior de Xustiza de Galiza. O proxecto As Louseiras tamén estamos a tempo de paralo.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
