Foz, 3 de decembro de 2025. O alcalde de Foz, Fran Cajoto, xunto á tenente de alcalde Inés López Couto e o concelleiro de Relacións Institucionais, Carlos García, desprazáronse este mércores ao Parlamento de Galicia para demandar vivenda pública para o concello, pero a Xunta “rexeita comprometerse á promoción de vivenda pública en Foz”, explicou o rexedor municipal.
A voceira do grupo parlamentario socialista, Lara Méndez, dirixiu esta tarde á conselleira de Vivenda esta pregunta: “Está en disposición a Consellería de Vivenda e Planificación de Infraestruturas para asinar un convenio de colaboración entre o Instituto Galego de Vivenda e Solo e o Concello de Foz para edificar unha parcela adquirida polo Concello e dedicala a alugueiro social?”. Pero a conselleira de Vivenda “ata en dúas ocasións utilizou as palabras estudará e analizará para referirse á demanda de Foz dun convenio no que a Xunta constrúa vivenda pública de aluguer e o Concello aporte os terreos”, comentou Fran Cajoto.
O alcalde de Foz explica que “os datos do municipio son máis que positivos. Ano a ano medramos en poboación, o INE acaba de recoñecernos unha suba de 139 habitantes respecto ao ano pasado, ata as 10.415 persoas. Subiu tamén a renda media por habitante, pero o incremento no prezo da vivenda é moi superior á suba de salarios a pesar do aumento da construción. A vivenda en aluguer en Foz incrementouse en máis dun 50% dende setembro do ano 2022 e o mercado para aluguer convencional cada vez é máis reducido. No ano 2005, na época do bipartito, entregouse a última promoción de vivenda social, levamos máis de 20 anos sen política de vivenda pública no noso concello. Naquel momento o Concello de Foz puxera a disposición os terreos e a Xunta construíu as vivendas; queremos repetir esta fórmula, non podemos aceptar que a Xunta eluda as súas competencias e nos engane con créditos brandos sen intereses. Se a Xunta quere apostar pola vivenda pública e pensar na xente o Concello vai a facer os esforzos necesarios e poñer terreos a disposición. O contrario sería abandonar ás veciñas e veciños”.
Fran Cajoto engade: “somos un destino vacacional, tensionado, e a vivenda social é máis necesaria ca nunca. Somos o concello da comarca con máis demandantes de vivenda pública segundo a poboación -85 inscritos no rexistro do Instituto Galego de Vivenda e Solo a 3 de decembro de 2025-. O que queremos é superar a parálise e que a Xunta promova vivenda social en aluguer, tendo como ten a competencia exclusiva segundo o artigo 27 do Estatuto de Autonomía. Agora é o momento”.
O alcalde de Foz agradeceu á voceira socialista, Lara Méndez, “a comprensión coas necesidades do concello e o compromiso para demandar unha solución ao o principal problema dos focegos: a vivenda”.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
