Viveiro, 3 de decembro, 2025. O Grupo Municipal Socialista de Viveiro critica os atrasos e
restricións na tramitación das subvencións nominativas de 2025, derivadas da aprobación tardía do orzamento en xullo. Os convenios non se asinaron ata finais de outubro, reducindo a marxe de actuación das entidades.
Entre as limitacións introducidas destacan:
• As facturas subvencionables só se aceptaron ata o 30 de outubro, fronte ao 30 de novembro doutros anos.
• O prazo de xustificación reduciuse a 15 días naturais, rematando o 15 de novembro.
• Non se concedeu o anticipo do 80 % da subvención, obrigando a asociacións e clubs a recorrer a préstamos ou a adiantar cartos propios.
Ademais, varias entidades que tradicionalmente recibían apoio municipal quedaron excluídas do anexo de 2025, a pesar de representar a Viveiro en competicións e eventos.
O PSOE tamén desmente as declaracións da alcaldesa Mariña Gueimunde, que asegurou que se destinarían “máis de 325.000 €” ás subvencións nominativas. Segundo os anexos oficiais, a cifra real é de 221.700 €, inferior á de 2024.
Propostas para 2026
O Grupo Municipal Socialista levará ao Pleno varias medidas para mellorar a xestión das subvencións:
1. Restablecer os prazos tradicionais: facturas ata o 30 de novembro e xustificación mínima de 30 días.
2. Asinar os convenios antes de xullo, sempre que o orzamento o permita.
3. Recuperar o anticipo do 80 % no momento da firma.
4. Informar con antelación e por escrito de calquera cambio nos procedementos.
5. Revisar o listado de entidades nominadas, incorporando as que quedaron fóra en 2025.
6. Establecer unha reunión anual de coordinación co tecido asociativo no primeiro trimestre.
Recuperar a cobertura histórica da Biblioteca Municipal tras a redución dunha praza a media xornada
O Grupo Municipal Socialista de Viveiro alerta da situación da Biblioteca Municipal tras a recente xubilación dunha funcionaria que ocupaba unha praza a xornada completa. Na Oferta Pública de Emprego de 2026, o Concello decidiu convocar esa praza só a media xornada, decisión que consideran incoherente coas necesidades reais do servizo e da cidadanía.
Cómpre lembrar que, durante anos, a Biblioteca contou con dúas persoas a xornada completa e unha a media xornada, o que permitía ampliar horarios e atender á demanda estudantil e formativa. Actualmente, a dotación é insuficiente:
• 1 persoa a xornada completa (de vacacións).
• 1 persoa a xornada completa procedente doutro departamento.
• 1 bibliotecaria a media xornada.
Esta situación apenas garante unha cobertura mínima, facendo imposible manter a Biblioteca aberta en condicións adecuadas.
O PSOE solicita
1. Que o goberno municipal explique por que se reduce a media xornada unha praza que sempre foi a tempo completo.
2. Que se reconsidere esta decisión e se recupere a cobertura histórica, cun persoal suficiente para garantir unha apertura ampla e estable.
3. Que se aclare cal é o plan para asegurar un servizo esencial como a Biblioteca, especialmente en períodos de alta demanda.
O PSOE reclama apoio municipal ás Xornadas de Historia e Arqueoloxía Marítima e denuncia o abandono do patrimonio histórico
O Grupo Municipal Socialista de Viveiro manifesta a súa preocupación pola falta de apoio do Goberno Municipal, presidido por Mariña Gueimunde, á celebración presencial das IX Xornadas de Historia e Arqueoloxía Marítima Cidade de Viveiro.
Este evento, recoñecido internacionalmente e premiado en Roma en 2023 como exemplo de boas prácticas, converteu a Viveiro en referente estatal da investigación subacuática grazas á colaboración de FEDAS, FEGAS, Asociación Lembranza, Armada Española e UNED, e ao impulso do arqueólogo viveirense Antón López. Viveiro acolleu sete edicións presenciais e unha online pola pandemia.
Porén, este ano o Concello comunicou que non había partida económica para cubrir os gastos, obrigando a celebrar as xornadas exclusivamente de forma telemática.
Patrimonio histórico en risco
O PSOE denuncia tamén o deterioro dos cañóns da Fragata Magdalena e do obús de Rovira, elementos emblemáticos da memoria histórica local que levan quince anos sendo coidados e que hoxe presentan un evidente abandono. Xa advertiran desta situación en pleno, sen que se tomaran medidas.
Proposta socialista
O Grupo Municipal Socialista solicita que nos Orzamentos de 2026 se inclúa unha partida específica para:
1. Garantir a celebración presencial das Décimas Xornadas de Historia e Arqueoloxía Marítima.
2. Acondicionar e conservar os cañóns da Fragata Magdalena e o obús de Rovira, como símbolos da historia e da identidade cultural de Viveiro.
Explicacións pola suspensión da carreira de homenaxe a Adrián Ben
O Grupo Municipal Socialista de Viveiro solicita ao Goberno Municipal que explique os motivos polos que este ano non se celebrou a carreira de homenaxe a Adrián Ben, o deportista máis laureado da historia da cidade e Fillo Predilecto do municipio.
Esta proba, organizada anualmente como recoñecemento á súa traxectoria e éxitos deportivos, conta cun importante interese social e deportivo para Viveiro, tal e como transmitiron tanto deportistas individuais como colectivos locais.
O PSOE pide tamén que se aclare se está prevista a súa realización noutra data —por exemplo nas festas do Nadal— ou se existe a intención de deixar de organizar esta actividade, para que tanto a Corporación como a cidadanía coñezan con transparencia cal será o futuro desta carreira.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
