Xove, 27 de decembro, 2025. Xove volveu vivir unha das noites máis agardadas do Nadal coa celebración da XIII edición do Concurso de Karaoke 2025, unha cita que cada ano esperta máis expectación e que nesta ocasión encheu o Pavillón de Deportes a pesar do frío.
A velada reuniu numeroso público e participantes chegados non só da localidade, senón tamén doutras zonas da Mariña e mesmo de lugares tan afastados como A Coruña, Oviedo ou Cáceres. O ambiente non defraudou: as tres categorías —peques, júnior e veteranos— contaron cunha alta participación e actuacións que fixeron vibrar ao público, sempre disposto a aplaudir e animar.
O xurado, composto por Xulia Nogueira, Uxío Dayán e Francisco Pico, tivo unha tarefa especialmente complicada pola calidade das interpretacións. A presentación correu, por décimo terceiro ano consecutivo, a cargo de Vanesa Míguez, que guiou a noite con dinamismo e humor.
Desde a organización destacan a excelente acollida do evento, agradecen o apoio do público e recoñecen o esforzo de todas as persoas participantes. A próxima edición, a número catorce, xa está en marcha e promete volver encher Xove de música e ilusión no Nadal de 2026.
Premiados do Concurso de Karaoke 2025
Categoría PEQUES (ata 12 anos)
• Mellor Voz: Aitana Jiménez Blanco — A un paso de la luna (60 €)
• Mellor Voz: Eva Cancela Trastoy, María Posada Duarte e Alex Louzao Casas — La Morocha (60 €)
• Mellor Caracterización: Ainara Sánchez Lage, Jesús López Franco e Antón Preto Canoura — A quién le importa (60 €)
Categoría JÚNIOR (12 a 18 anos)
• Mellor Voz: Daniela Robledo Cardoso — Hometown Glory (90 €)
• Mellor Voz: Carolina Goas Trelles e Martina Castro Díaz — Me has invitado a bailar (90 €)
• Mellor Caracterización: Noa Villota Pernas e Emma López González — Perdonarte para qué (90 €)
Categoría VETERANOS (maiores de 18 anos)
• Mellor Voz: Mª Ángeles Leal García — Déjala correr (150 €)
• Mellor Voz: Laura Míguez Ramos — Esta vida (150 €)
• Mellor Caracterización: Carlos Jiménez Seijas — Abusadora (150 €)
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
