Luís Bará afirma que se trata dun auténtico calote tramitado con trampas para facer pasar por biofábrica o que é un exemplo de franquismo industrial
Santiago de Compostela, 3 de decembro, 2025. Pleno. O portavoz de Medio Ambiente do BNG, Luís Bará, esixiulle ao PP na Xunta que desista do apoio ao proxecto industrial de Altri na Ulloa e rexeite a achega de 250 millóns de euros de fondos europeos a unha industria de enclave “que recibiu trato de favor” e que é prexudicial para o territorio, o medio e os sectores económicos estratéxicos en Galiza.
Bará argumentou a reclamación do BNG afirmando que, cinco anos despois de “ser anunciado a bombo e prato”, Altri converteuse nun “auténtico fiasco e no símbolo dunha política industrial fracasada, errada e antigalega”. Trátase, engadiu, dun auténtico “calote”, un proxecto industrial do pasado que foi tramitado con “trampas, enganos e escurantismo” para facer pasar por biofábrica o que é un “claro exemplo de franquismo industrial en pleno século XXI”. “A estas alturas, o gran proxecto industrial do PP, o proxecto estrela de Feijóo e Rueda, está estrelado”, expresou.
Denunciou que, a día de hoxe, o PP aínda oculta os pactos secretos con Altri, asinados no “famoso memorando de entendemento” do 1 de outubro de 2021 ao negarse a entregalos ao Parlamento. “Por iso tivemos que ir aos xulgados para reclamalos. Cando ocultan é que temen que se saiba”, advertiu, para criticar o trato de favor con Altri, “con cambios lexislativos feitos a medida”.
O BNG reclámalle o Executivo de Rueda que rexeite a achega de 250 millóns de euros de fondos europeos a unha empresa de enclave e prexudicial para o territorio, o medio e os sectores económicos estratéxicos da economía galega. “Deixen de mendigar por Bruxelas e por Madrid eses 250 millóns de euros a fondo perdido, medio millón por cada posto de traballo que dicían que ían crear”, apuntou o deputado nacionalista.
Altri, contra as cordas
Luís Bará asegurou que estamos nun momento decisivo, no que o proxecto de Altri se encontra agora mesmo “contra as cordas”, sen garantía de conexión eléctrica á rede, sen financiamento millonario de fondos europeos e sen axudas do Fondo de Innovación da UE. Porén, matizou que “está tocado pero aínda está vivo”, ao seguir pendente a concesión de augas, a autorización ambiental integrada e a aprobación do Proxecto Industrial Estratéxico (PIE).
É por iso que a iniciativa do BNG tamén pedía desestimar e arquivar a solicitude de concesión de augas superficiais do río Ulla no encoro de Portodemouros con destino a uso industrial por parte de Altri (Greenfiber).
Bará recordoulle ao PP que en tres anos foron incapaces de aprobar o proxecto, mérito que atribuiu, non ao BNG nin dos que queren poñerse esa medalla, senón do pobo organizado, desde a Ulloa ata a Arousa, do pobo galego consciente, digno e comprometido que defende a terra e o País fronte ao abuso e a imposición do PP”, recalcou, referíndose ás multitudinarias manifestacións en contra do proxecto en Palas, Santiago e na Pobra do Caramiñal. Animou neste punto á sociedade galega a volver manifestarse contra a ameaza da macrocelulosa e en defensa do territorio o vindeiro 14 de decembro en Compostela. “É o elemento clave de que o proxecto estea onde está tras catro anos”, remarcou.
Impacto ambiental, patrimonial e económico
O portavoz de Medio Ambiente volveu denunciar o impacto que suporía implantar unha bomba ambiental no corazón de Galiza, non só ambiental ou patrimonial, tamén nos sectores económicos estratéxicos, o agrogandeiro das comarcas veciñas da Ulloa e do Deza, afectando á súa produción alimentaria de calidade e en ecolóxico. Tamén sería prexudicial para a cadea de valor monte industria polo que supón de aposta pola eucaliptización, “pseudomoratoria mediante”, ironizou.
Por último, Bará subliñou as repercusións negativas no desenvolvemento turístico da zona da Ulloa-Arzúa-Melide arredor do Camiño de Santiago e na actividade produtiva da ría de Arousa, onde a xeración de emprego “é 50 veces máis que o proxecto contaminante de Altri”, apuntou, lembrando que todos estes motivos foron os que xeraron o enorme rexeitamento a este “proxecto aberrante”.
Por iso, o BNG reclámalle á Xunta de Rueda un plan plurianual de investimentos nas comarcas de Arzúa, Terra de Melide, Ulloa e Deza, na contorna do río Ulla e na ría de Arousa destinado ao apoio ao desenvolvemento e vertebración de sectores económicos estratéxicos e á protección, recuperación e rexeneración do río Ulla e dos seus afluentes, así como do encoro de Portodemouros e tamén da ría de Arousa. Propostas que foron rexeitadas cos votos en contra do Partido Popular.
“Estamos contra Altri porque estamos a favor de Galiza”, rematou.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
O Concello destaca que este logro é resultado do esforzo, da dedicación e da paixón polo deporte que o arqueiro demostra en cada competición, levando o nome de Cervo e do seu club ao máis alto. A administración local subliña o orgullo que supón contar con deportistas que representan valores como o traballo, a constancia e a superación.
A iniciativa forma parte do Plan de Sostibilidade Turística en Destino Xacobeo 2021, financiado con fondos europeos Next Generation. No acto proxectouse o tráiler e un capítulo completo. Tras a estrea, os contidos difundiranse nas redes sociais e no YouTube municipal, e no verán organizarase un novo evento para ver a serie íntegra.
