A lei aprobada polo PP no senado leva 33 meses parada no Congreso, polo bloqueo do PSOE e os seus socios, impedindo que se poidan adoptar medidas como o desaloxo express en 24 horas, a prohibición de empadroamento en vivendas ocupadas e o reforzo da seguridade xurídica tanto para os propietarios como para o mercado do alugueiro
Xove, 3 de decembro de 2025. O Partido Popular presentará iniciativas en todas as administracións nas que ten representación para esixir ao Goberno do Estado a avanzar na tramitación da lei contra a ocupación ilegal, xa aprobada polo Senado.
Así o anunciaron os deputados provinciais, Antonio Ameijide e Demetrio Salgueiro (tamén alcalde de Xove), acompañados da deputada no Congreso, Ana de Bande, e outros representantes do Partido Popular.
Os populares recordaron que hai poucos días aprobouse hai uns días no Senado — co voto en contra do PSOE e do BNG — a toma en consideración dunha Proposición de Lei presentada polo Partido Popular para modificar o Código Penal co fin de que o corte das subministracións dunha vivenda ocupada non sexa considerado delito de coacción.
A deputada no Congreso, Ana de Bande, afirmou que “ao propietario protéxeselle e ao okupa se lle desokupa”. Desde o ano 2017 disparouse a ocupación de vivendas na provincia de Lugo un 218% e nos 7 anos de Goberno do PSOE ocupáronse na provincia de Lugo 137 vivendas.
Ana de Bande recordou que “é inconcibible “que o Goberno teña paralizadas a lei antiocupación que aprobou o Senado presentada polo Partido Popular, e que agora está bloqueada no Congreso. Unha lei na que propoñemos desocupación ás 24 horas, non dar de alta no padrón ao okupa, ademais de que non sexan delito deixar o propietario de pagar as subministracións de auga ou de luz como suceden na actualidade.
A proposta diríxese agora ao Congreso “onde agardamos que non quede nun caixón como outras Leis aprobadas no Senado e que están bloqueadas no Congreso”.
Entre esas iniciativas paralizadas atópase tamén a coñecida como Lei Antiokupación — que conta coa luz verde do Senado desde febreiro de 2024, tamén a pesar do voto en contra do PSOE e do BNG —. Esta lei recolle medidas como o desaloxo exprés en 24 horas, a prohibición de empadroamento en vivendas okupadas ilegalmente e o reforzo da seguridade xurídica tanto para os propietarios como para o mercado do alugueiro.
Ademais, a deputada popular no Congreso recordou que “onte mesmo coñeciamos os datos de criminalidade máis recentes do Ministerio do Interior e vemos como a taxa por criminalidade por cada 1.000 habitantes de xaneiro a setembro de 2018 era un 16,1 e subiu seis puntos de xaneiro a setembro de 2025, ata 22,1 na provincia de Lugo”.
Pola súa banda, o voceiro provincial popular, Antonio Ameijide, recordou a “inxustiza” da ocupación ilegal de vivendas “que é evidente”, e urxe unha solución para casos coma os rexistrados tanto en Xove como en Viveiro, así como noutras moitas localizacións da provincia, de Galicia e do conxunto de España.
Ameijide lamentou “a negativa do PSOE e do BNG a apoiar medidas contra a ocupación” o que deixa en evidencia unha desconexión cos reclamacións cidadáns. “Os veciños piden protección e axilidade, mentres estes partidos optan polo bloqueo e polo atraso na tramitación das leis”, sinalou.
A pasividade ou o bloqueo destas forzas políticas está a perpetuar un problema que afecta directamente á convivencia e á seguridade das familias. “Mentres dende o PP promovemos reformas para dar respostas claras, outras formacións seguen negándose a actuar ou mesmo minimizan o impacto real da ocupación ilegal”, lamentou.
Pola súa banda, o deputado provincial e alcalde de Xove, Demetrio Salgueiro, recordou como neste municipio existe unha repulsa xeneralizada ante estes feitos, acompañada dunha fonda preocupación social pola falta de ferramentas legais eficaces fronte a situacións que xeran inseguridade e indefensión.
Deste xeito, Demetrio Salgueiro explicou que nas últimas semanas aumentou notablemente a instalación de alarmas e sistemas de seguridade nos domicilios, especialmente entre persoas maiores, que amosan un temor crecente a que se xeneralicen casos coma o que hoxe nos reúne. “A cidadanía percibe que a lei actual non ofrece unha resposta áxil, e demanda protección inmediata fronte á okupación ilegal”, lamentou.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
