Lugo, 18 de decembro de 2025. O Grupo Provincial Popular denuncia “o enésimo despropósito” do PSOE ante as denuncias por suposto acoso sexual por parte de Tomé a seis mulleres, na intención do presidente dimisionario e do PSOE de que a Deputación de Lugo pagase os gastos de defensa xurídica de Tomé.
O voceiro provincial popular, Antonio Ameijide, explica que na orde do día da xunta de goberno provincial de mañá, Tomé pretendía someter a aprobación que a Deputación sufragase con fondos públicos os gastos da súa defensa xurídica, punto que finalmente non se votará ao ser retirado da orde do día, “pero que evidencia, unha vez máis, o modo de actuar do PSOE neste caso”.
O popular explica que o que fixo José Tomé foi “asinar, rexistrar e publicar onte unha orde do día da xunta de goberno con ese punto incluído, pero esta mañá, ás 12:51 horas, asinou, rexistrou e publicou outra orde do día na que se excluía ese punto.
Ameijide sinala que se trata “do enésimo despropósito parte do PSOE que, ademais de ocultar durante meses as denuncias de acoso sexual existentes contra José Tomé, pretendía agora facer pagar á cidadanía lucense o custo do seu avogado”.
Para o voceiro popular estamos ante a confirmación de que “José Tomé segue a dirixir a Deputación de Lugo e trala súa dimisión no pleno do día 30 seguirá a ser o presidente na sombra da institución”.
Unha situación que se engade a que desde o PSOE segue sen aclarar os motivos polos que se ocultaron as denuncias de acoso sexual, pero “seguen amparando os actos de José Tomé, agravando a crise institucional na Deputación de Lugo, que está a danar moito a imaxe que se transmite da nosa provincia”.
Antonio Ameijide tamén culpa ao BNG desta situación, “a que non se tería chegado se os nacionalistas tivesen roto o goberno provincial no mesmo momento en que estalou o caso”.
A realidade é que “por moitas performances que fagan e por moito que se esforcen en marcar distancias, a realidade é que Efrén Castro, Iria Castro e Daniel García seguen formando parte do goberno da Deputación de Lugo, con Efrén Castro como vicepresidente da institución”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
