Antonio Ameijide esixe a PSOE e BNG que expliquen aos lucenses cal é o goberno da Deputación de Lugo, “se van intentar formar goberno con Tomé e unha deputada que, presuntamente, o tapaba e se van a permitir que Tomé siga sendo un presidente na sombra”
Lugo, 11 de decembro de 2025. O PP da provincia de Lugo esixe ao BNG aclarar a súa postura en relación ao novo escenario político na provincia tras a dimisión de José Tomé ao fronte da presidencia da Deputación de Lugo pero mantendo a acta de deputado e a alcaldía de Monforte de Lemos tamén como non adscrito. “A realidade é que a persoa acusada de presunto acoso sexual continúa nas mesmas institucións e o BNG debe aclarar se está do lado das vítimas ou do lado dos acusados por presunto acoso sexual e se quere ou non a presuntos acosadores fóra das institucións”.
Os dirixentes do PP provincial pregúntanlle aos responsables do BNG “se lles serve esta nova situación rocambolesca”. E lembran que “é a súa responsabilidade tomar decisións” e agardan que explique “se vai apoiar cos seus votos a gobernos machistas”.
Nese sentido, preguntan se “vai estar nun goberno apoiado e dirixido na sombra pola persoa acusada de presunto acoso sexual e por outra deputada que, presuntamente, o estivo encubrindo”. E urxen a explicar se “van formar goberno nestas condicións”.
Os populares condenan o “exercicio de cinismo político” por parte de Tomé e o PSdeG: “en menos de 12 pasaron de negar as denuncias e ser desmentidos polos seus superiores de Ferraz” e “de non haber dimisións pola mañá e anunciar Tomé dimisión pola tarde”. Pero, “todo segue igual”, subliñan. Nese sentido, consideran que “Tomé debe abandonar as súas actas en ambas institucións”.
E engaden que “os socialistas, que se abandeiran do feminismo, aínda non explicaron que pasou, nin aclararon se tiñan ou non coñecemento das denuncias, nin cal é o contido das mesmas, nin cal vai ser a súa postura ao respecto nin que van facer ao fronte da Deputación de Lugo e do Concello de Monforte”.
CAL É A SITUACIÓN NA DEPUTACIÓN DE LUGO?
O portavoz do Grupo Provincial Popular, Antonio Ameijide, esixe a PSOE e BNG que expliquen aos lucenses cal é o goberno da Deputación de Lugo nestes momentos. E “se van intentar formar goberno cunha persoa apartada por presunto acoso sexual e cunha das persoas que, presuntamente, taparon a Tomé e que, a día de hoxe, non deu explicación ningunha máis alá de negar todo”.
“Os lucenses merecemos saber quen vai dirixir a Deputación Provincial”, incide. E pregúntase “se o BNG vai permitir que Tomé siga sendo un presidente na sombra, se vai seguir dirixindo a institución provincial dende a sombra unha persoa acusada de presunto acoso sexual”.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
