Ribadeo, 4 de decembro de 2025. Ribadeo aposta pola modernización da Avenida de América e solicita a colaboración económica da Xunta de Galicia.
O alcalde, Danie Vega, contou que “mantivemos unha reunión de traballo coa conselleira de Vivenda e Planificación de Infraestruturas para abordar distintas cuestiones. Unha delas, a primeira que lle trasladamos é a modernización e a mellora da Avenida de América. Solicitámoslle unha colaboración de 350.000 euros e é para modernizar, para mellorar un acceso importante a Ribadeo, tamén unha boa comunicación, un bo acceso ao novo centro de saúde”.
O rexedor anunciou que “en febreiro entregaremos xa o proxecto e a partir desde aí vamos ver a colaboración que vai ter a Xunta de Galicia. Temos moitas esperanzas. Modernizar un dos accesos máis importantes de Ribadeo, tendo en conta que aí vai estar o novo Centro de Saúde, creo que é importante modernizar e mellorar unha vía de comunicación fundamental”.
E engadiu: “tamén lle trasladamos distintas melloras de infraestruturas en Ribadeo nas que estamos traballando e tamén en materia de vivenda. Foi unha reunión produtiva. Nos próximos días tamén vamos ter novidades en materia de vivenda en Ribadeo. Pouco a pouco vamos traballando e vamos mellorando para que Ribadeo siga avanzando”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
