Destaca que o novo proxecto, froito da escoita activa co Concello, permitirá desviar fóra do casco urbano o 60% do tráfico, especialmente os vehículos pesados
Viveiro, 23 de decembro de 2025. O presidente da Xunta, Alfonso Rueda, presentou hoxe a proposta para a variante leste de Viveiro, unha solución que cualificou como “viable, funcional e respectuosa” para dar resposta a unha demanda histórica, “pola que Viveiro e toda esta zona leva moitísimo tempo esperando”.
Durante o acto, no cal estivo acompañado pola conselleira de Vivenda e Planificación de Infraestruturas, María Martínez Allegue, o titular do Executivo autonómico subliñou que este novo proxecto é froito dunha planificación traballada e seria e dunha política de consenso para chegar a unha solución máis funcional para mellorar as comunicacións neste concello, o principal núcleo da Mariña lucense e o terceiro máis poboado da provincia –en torno a 15.200 habitantes–: “Trátase dunha solución moi traballada que confío en que suscite o consenso xeral”, apuntou.
Neste sentido, agradeceu a colaboración institucional do Concello de Viveiro, e sinalou que a nova variante está deseñada para articular o tráfico dun concello que soporta máis de 13.000 vehículos ao día. Así, o obxectivo principal é liberar o núcleo urbano, prevendo que preto dun 60% do tráfico —especialmente o transporte pesado— utilice a nova vía, xa que absorbería todos os desprazamentos de longo percorrido, a circulación cara ao porto de Celeiro, e parte do tránsito local. Isto traducirase nun incremento da seguridade viaria e nunha mellora nos tempos de traxecto: “Agradezo todo o traballo que está feito e creo que o que había que facer era poñer unha solución enriba da mesa, unha solución estudiada, e que esa solución sexa unha realidade con investimento importante”, asegurou.
Dúas fases
O proxecto integral consta de algo máis de 10 quilómetros divididos en dúas fases: a variante oeste (cara ao Vicedo) e a variante leste. Esta última, que centra a actuación inmediata presentada hoxe, contará cun investimento de 37,6 millóns de euros para un trazado de 6,2 km.
A variante leste discorrerá desde a glorieta de conexión na LU-540 ata o inicio do corredor Celeiro-San Cibrao. Na súa configuración técnica destacan dúas grandes estruturas: un viaduto de 503 metros en Celeiro e un viaduto de 130 metros en Rego Fontecoba.
O presidente avanzou que a previsión da Xunta é licitar o proxecto de construción desta variante leste no primeiro trimestre do vindeiro ano e comezar as obras nesta lexislatura: “Confío en que 2026 sexa un ano de ir cumprindo prazos para que isto sexa unha realidade canto antes”, salientou.
Compromiso firme coa provincia de Lugo
Alfonso Rueda enmarcou esta actuación na estratexia global da Xunta pola vertebración do territorio. Neste sentido, lembrou que o Goberno galego está a investir tamén 8,2 millóns de euros na transformación do treito Viveiro-Ourol (LU-540), unhas obras que rematarán en 2026.
Así mesmo, incidiu en que a prioridade da Xunta seguirá a ser o mantemento dos 5.500 quilómetros de rede viaria autonómica para ofrecer unha mobilidade cómoda, moderna e segura.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
