O Goberno destina máis de 8 M€ en Vilalba para impulsar a dixitalización, mellorar o saneamento da vila e protexer o patrimonio, entre outros eidos, “co futuro Concello como mellor exemplo: será un edificio moderno, accesible e eficiente”
Vilalba, 23 de decembro de 2025. O delegado do Goberno en Galicia, Pedro Blanco, salientou esta mañá en Vilalba o compromiso municipalista do Goberno de España no seu apoio aos concellos galegos para afrontar a mellora das súas infraestruturas, obras que en ocasións resultan complicadas de executar para as pequenas administracións polos seus custos e envergadura. O delegado supervisou os traballos que se levan a cabo da man do Goberno na Casa do Concello de Vilalba coa súa alcaldesa, Marta Rouco, e a subdelegada en Lugo, Olimpia López
Pedro Blanco puxo en valor ditas obras, para as que o Concello de Vilalba recibe do Goberno 943.000 euros, o 85% do total, que completa o propio consistorio. O edificio resultante pasará a ser eficiente enerxéticamente ao reducir nun 80% o seu consumo, mellorando as instalacións e abaratando custos para o municipio, que poderán ser destinados a outras partidas de eido social. Isto lógrase dotando de máis iluminación natural ao edificio, adquirindo tecnoloxía LED, mellorando a envolvente térmica e instalando placas solares fotovoltaicas, de xeito que se acada a autosuficiencia enerxética.
Esta acción, impulsada polo Goberno a través do Programa de Impulso á Rehabilitación de Edificios Públicos (PIREP) no seu apartado local, é unha das máis senlleiras en Vilalba, onde o Goberno destina en total máis de 8 millóns de euros para diversos traballos, que contemplan desde a dixitalización mediante o Programa UNICO Banda Ancha, a mellora do saneamento a través da Confederación Hidrográfica Miño-Sil, a renovación do alumeado nas rúas coas axudas do IDAE ou a conservación do seu patrimonio servíndose das axudas aos Paradores. Esta última acción percibe para o de Vilalba máis dun millón de euros e atópase na súa fase final.
Pedro Blanco subliñou que o impulso do Goberno de España chega a todas as vilas de Galicia e faino con criterio, “xa que investimos onde o necesitan os concellos galegos, dando resposta aos problemas da súa veciñanza e mellorando o seu día a día con accións útiles”. Seguindo esta liña, puxo en valor o éxito do PIREP Local na comunidade, onde financia 49 proxectos para un total de 43 concellos por unha cifra superior aos 50 millóns de euros, 3,2 deles na provincia de Lugo para unha suma de sete municipios. Este programa ten unha división autonómica, a través da que o Goberno lle transferiu á Xunta máis de 27 millóns de euros para obras de mellora en edificios públicos da súa titularidade.
Precisamente polo seu traballo e por non desaproveitar a oportunidade que supón o PIREP para a súa vila, o delegado felicitou á alcaldesa, “pois grazas á súa visión e labor constantes a veciñanza poderá dispor dunha Casa do Concello á altura das súas necesidades”. Lembroulle, ademais, que o Goberno de España sempre estará ao carón dos e das vilalbesas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
