Foz, 24 de xaneiro, 2026. O Concello de Foz presenta a programación completa do Entroido, que inclúe actividades desde o día 31 de xaneiro ata o 20 de febreiro.
“O Entroido é para Foz unha das épocas de máis actividade e emoción. Para grupos e peñas son meses de traballo nos que confeccionan vistosos traxes, artiluxios e carrozas que fan as delicias de xente de tódalas idades”, explica a concelleira de Cultura, Inés López Couto, que anuncia: “a partir da próxima semana estará habilitado o formulario na sede electrónica do Concello para a inscrición no desfile de Foz. Estará aberto ata o xoves 12 ás 14.00horas. Non se permitirán inscricións o mesmo día do desfile. Tamén poderán inscribirse no rexistro do Concello. Os grupos, comparsas e carrozas que queiran participar no sorteo de postos deberán anotarse antes do luns 9 ás 14.00 horas. O sorteo será na Casa da Cultura ás 20.30 horas do mesmo luns”.
Inés López Couto engade que “o programa deste ano comeza a vindeira fin de semana, coa coroación do rei do Entroido e as súas damas nunha cea baile na carpa da rúa Atalaia para a que as entradas están esgotadas. Cada ano anímase máis xente a acudir. Sentimos que non poidan acceder máis persoas, pero para aumentar o número de comensais necesítanse bastantes cambios, xa que afecta ao plan de seguridade, catering, a carpa, etcétera. Ese mesmo día 31 pola mañá poderemos desfrutar das comparsas de Foz durante os viños de mediodía polas rúas do pobo”.
O seguinte evento é o xoves 12 de febreiro, xoves de comadres. Ás 20.00 horas a comparsa As Farangullas abrirá a exposición na súa honra no CENIMA e ás 21.30 horas dará comezo a cea de comadres, na Sala Bahía. A música será a cargo de Primera Línea. Para adquirir as entradas deberá facerse nos locais de Afammer e Amas de Casa de Foz. O venres 13 ás 20.00 horas será o pregón das Farangullas para a continuación ver o concurso de coplas, na carpa da rúa Atalaia.
O sábado 14 é o día grande: ás 10.00 da mañá soará o chupinazo e haberá música coa charanga Santa Compaña. Ás 16.30 horas comezará o gran desfile de Entroido, con máis de 8.000 euros en premios. Á noite o baile será a cargo dos grupos D’Cano e La Bamba. A entrega de premios será a partir da 1.30 horas. O prezo da entrada é de 7 euros e poderá adquirirse online ou na entrada do recinto.
O domingo 15 é o Día Infantil. Ás 17.00h comezará o baile infantil na carpa coa actuación de La Guagua e moitas actividades para os máis pequenos. A entrada custa 4 euros. Ás 19.30 horas entregaranse os premios infantís, para ás 20.30h desfrutar do Touporroutou no salón de actos do Colexio Martínez Otero.
O luns 16 de febreiro é o día do Baile do Farolillo. Ás 17.30 horas na Sala Bahía será O Feitizo o encargado de que os máis pequenos o bailen. Para ás 23.00 horas continuar co baile para os maiores amenizado por orquestra Miramar e Cosme Deejay. O prezo da entrada é de 4 euros e poderá adquirirse do mesmo xeito que as do baile do sábado.
O martes 17 os máis pequenos poden desfrutar dun día de actividades na carpa da Rúa Atalaia, a partir das 17.00 horas. O Entroido de Foz despedirase ata o 2027 o venres 20, con saída ás 20.30 horas da comitiva fúnebre do Campo da Cabana para chegar á praza Conde de Fontao e realizar a tradicional queima.
“Coma os últimos anos, contaremos co graderío situado na explanada portuaria. As entradas poñeranse á venda o luns 9 a partir das 9 da mañá no CENIMA a un prezo de 5 euros para os adultos e nenos de máis de 12 anos, e para os menores desa idade é gratis”, explica o concelleiro de Xuventude, Ángel Fernández Neira.
E o alcalde, Fran Cajoto, remata dando as grazas “a todos os grupos, peñas do Carnaval e traballadores que facedes posible o Entroido de Foz, que é todo un referente. Agardo que o desfrutedes moito e que a maxia do Carnaval de Foz quede no voso recordo”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
