Estas obras execútanse con cargo a fondos pertencentes ao Plan Único
Cervo, xaneiro do 2026. O Concello de Cervo executa estes días unha actuación de mellora do firme viario no núcleo da Moreira, na parroquia de Rúa, cun investimento total de 70.224 euros, financiados a través do Plan Único.
A alcaldesa de Cervo, Dolores García Caramés, supervisou a actuación acompañada polo concelleiro de Zona Rural, Adrián Arias, e polo pedáneo de Rúa, Ramón Elemparte, destacando que “seguimos avanzando na mellora das comunicacións nos núcleos rurais, dando resposta a unha demanda veciñal e garantindo vías máis seguras e cómodas para o día a día”.
A rexedora subliñou ademais que “este tipo de obras son fundamentais para manter en bo estado as infraestruturas municipais e mellorar a calidade de vida da veciñanza, especialmente nas zonas rurais”.
A actuación desenvólvese sobre unha superficie aproximada de 3.151 metros cadrados, onde o pavimento existente presenta un importante deterioro debido ao paso do tempo, ao tráfico rodado e ás condicións meteorolóxicas. Estase a actuar sobre a capa de rodadura mantendo as cotas actuais, o que permite unha intervención eficaz e rápida sen alterar a configuración do vial.
As obras inclúen a limpeza da vexetación nos bordes dos viarios, o fresado do pavimento bituminoso en puntos concretos cun espesor de 5 centímetros, a aplicación dun rego de adherencia e a execución dunha nova capa de rodadura de mestura bituminosa en quente. Ademais, realízase unha actuación puntual na rede de saneamento de augas pluviais coa execución dun caz de formigón para reducir a escorrentía de auga pola vía.
Con esta intervención, o Concello de Cervo continúa a apostar pola mellora das infraestruturas viarias e a conservación do rural, reforzando a seguridade e a funcionalidade dos camiños municipais.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
