Barreiros, 7 de xaneiro de 2026. O Concello de Barreiros vén de asinar un convenio coa área de Rural da Deputación de Lugo, que dirixe Dani García, para financiar a creación da primeira fase da senda peonil e ciclable en San Cosme.
A alcaldesa, Ana Ermida, explicou que se trata dun “proxecto ambicioso e moi demandado que garantirá a seguridade e contribuirá a conectar e crear relacións sociais entre dúas zonas próximas, mais con pouca interacción entre si”.
O proxecto, planteado en varias fases, recolle a conexión dos núcleos de poboación coa zona de praias, actuando nos marxes das estradas provinciais que conectan ambos puntos. Nesta primeira fase, que conta cun orzamento de 529.000 euros, conectarase o centro de San Cosme coa zona do campo de fútbol, desde onde é posible ir por unha vía secundaria cara as praias.
O proxecto inclúe a finalización da apertura dun viario proxectado na zona do Xuncal, así como a creación de zonas de aparcamento. Tamén se prevé a iluminación da senda con balizas solares.
A execución deste proxecto deixaría tamén conectada co centro de San Cosme a zona do pavillón e o futuro apeadeiro do tren que se prevé nesa mesma área. Deste xeito, explica a rexedora, “conéctase o centro da capitalidade municipal, onde recentemente tamén se renovou a parada de autobús e anteriormente se crearon novas zonas de ocio e esparexemento a carón do colexio, con zonas de moita actividade, como a do pavillón municipal ou a propia zona de praia. E realízase esta conexión dun xeito seguro, nunha vía que, especialmente na época de verán conta con moita afluencia tanto de tráfico como de persoas”.
O deputado de Rural e concelleiro en Barreiros, Dani García, manifestou a “satisfacción por contribuír desde a Deputación a mellorar os espazos públicos en Barreiros, aportando seguridade e facendo do noso concello un lugar máis amable para as persoas, con mellores servizos e contribuíndo ao dinamismo social”.
A idea do goberno municipal é continuar esta senda ata conectala coas beirarrúas existentes e tamén estender estas actuacións ao resto de parroquias costeiras. Nese sentido, avanzan, xa contan co proxecto para darlle continuidade a esta senda e para a que se executaría en San Miguel.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
