As mariñás non logran puntuar en Barcelona nun partido dominado de principio a fin polas locais
Burela, 24 de xaneiro, 2026. Partido importante para as de Belén Feal, que necesitan puntuar ante rivais directos para saír dos postos de descenso, pero que estivo totalmente dominado polas locais, intensas durante os 40 minutos fronte a un Burela rendido e desconcentrado. Antes do inicio gardouse un minuto de silencio polas vítimas do accidente ferroviario de Adamuz.
Ana Eliza evitou o primeiro tanto aos 17 segundos tras unha perda en defensa das mariñás. No minuto 4 a porteira brasileira realizou varias intervencións consecutivas ante as múltiples ocasións das catalás. As de Nil Marcos dominaron os primeiros compases, pero o Burela mantivo unha defensa sólida para resistir o ataque continuado das locais. No minuto 6 Julia Peña non chega por pouco a un bo balón na área, e un remate de Lara, tras un envío longo de Macarena desde campo propio, marchouse pola liña de fondo.
O Reyco Burela comezou a aparecer en ataque ao chegar ao ecuador da primeira parte, pero cando parecía que podía xerar unha boa ocasión, Silvia roubou un balón nun saque de córner e, tras unha carreira xunto a Martita, a xogadora logroñesa finalizou superando a Ana Eliza. Un minuto despois chegou o segundo, obra de Luci, que rematou na área tras un saque de esquina e un erro de entendemento das burelenses.
Belén Feal pediu tempo morto a falta de 12 minutos para tentar recortar distancias. Irene executou a falta cun potente disparo directo, pero Laura Torres desviou co pé. Ana Muniesa salvou un remate de Sydorenko nunha contra tras pase de Macarena a falta de 6 minutos. No seguinte ataque, Lara saíu como porteira-xogadora buscando superioridade, pero o dominio seguiu sendo local durante os seguintes catro minutos.
No minuto 18 Ana Eliza sacou coa man unha ocasión clarísima. A un minuto do descanso, Laura Oliva estrelou un balón no pau e, na continuación, unha dobre parada de Ana Eliza acabou nun penalti que supuxo o 3-0. As mariñás volveron probar o xogo de cinco no último minuto, e a última ocasión da primeira parte foi para Sydorenko, que disparou nunha contra tras roubo e pase de Irene, pero Muni atrapou.
Xa na segunda metade, Ana Eliza detivo un disparo tras saque de banda no 22 e realizou unha intervención espectacular nunha contra de Laura Torres e tiro de Silvia. No 24 volveu aparecer para desviar outro disparo de Bet. No 26, Macarena probou nunha contra pero o balón marchou desviado. Pouco despois chegou o 4-0: Bet marcou entre os paus tras unha recuperación e combinación con Martita.
No 29 sinalouse penalti sobre Paula Guix, que anotou. No minuto seguinte chegaron dous goles máis: o primeiro a portería baleira tras unha recuperación ante un erro das burelenses saíndo de cinco, e o 7-0 culminando un pase desde a banda nunha saída rápida. No 33 chegou o oitavo, obra de Laura Torres tras unha boa combinación con Martita, e no 36 o noveno, un disparo de Martita desde a área tras pase de Luci. Tras dúas ocasións máis das locais, o encontro concluíu.
Ficha Técnica AE Les Corts-UBAE 9-0 Reyco Burela FS
AE Les Corts-UBAE (9): Muni; Laura Torres, Silvia, Martita, Luci –cinco inicial-, Ona Solans, Paula Guix, Peña, Laura Oliva (C), Bet.
Reyco Burela FS (0): Ana Eliza; Cris Blanco, Sandra, Irene, Sydorenko -quinteto inicial-, Lara, Macarena, Silvia Rubal (C), Laura Barranco, Marina, Lola Muñoz (P).
Goles: 1-0, min. 8: Martita. 2-0, min. 9: Luci. 3-0, min. 19: Laura Oliva. 4-0, min. 27: Bet. 5-0, min. 29: Paula Guix (Penalti). 6-0, min. 29: Paula Guix. 7-0, min. 30: Paula Guix. 8-0, min. 33: Laura Torres. 9-0, min. 36: Martita.
Árbitros: Georgiana Alina Bancu // Iván López // Carla Cartes. Por parte do Les Corts veu tarxeta amarela Peña (40′). Por parte do Reyco Burela, Ana Eliza (29′)
Incidencias: Partido correspondente á xornada 16 de Primeira División Iberdrola FS disputado no pavillón municipal L’Illa de Les Corts, Barcelona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
