Foz, 31 de xaneiro, 2026. O alcalde de Foz, Fran Cajoto, anuncia que nas próximas semanas asinará o contrato de xestión do ciclo integral da auga (abastecemento, saneamento e depuración) coa industrial Sociedad de Fomento Agrícola Castellonense, S.A. (FACSA). O contrato será “o máis importante da historia de Foz, por un montante de 29 millóns de euros para 15 anos de xestión do servizo. Foi un proceso longo que comezou en decembro do ano 2023 coa estrutura de costes e que incluíu non só este contrato senón a primeira ordenanza de verteduras e do servizo municipal de saneamento do concello, así como o novo regulamento do servizo de subministro de auga e alcantarillado de Foz, publicados en maio do ano 2025”, explicou o rexedor municipal.
O Concello de Foz recibiu este xoves a desestimación do Tribunal Administrativo de Contratación Pública de Galicia (Tacgal) ao recurso interposto pola empresa que xestiona actualmente o servizo. “O Tacgal desestimou o recurso, polo que se levanta a suspensión á adxudicación que se aprobou no pleno ordinario do pasado mes de novembro. Nas próximas semanas asinaremos o contrato”, indica o alcalde, que engade: “a sinatura do contrato de xestión leva aparellada un canon inicial de 1,1 millóns de euros, 1,2 millóns de euros para a mellora das potabilizadoras de Fazouro e Cordido, 500.000 euros para a renovación da tubaxe de abastecemento en alta ao núcleo de Foz, 249.512 euros anuais durante a vixencia do contrato para o Fondo de renovación de infraestruturas, 700.000 euros para a implantación de telelectura de contadores, 245.548 euros para a reposición de contadores, 70.000 euros para a reposición de medios e 388.000 euros para outras inversións. Estamos a falar de case 8 millóns de euros de investimentos durante os 15 anos de vixencia do contrato de xestión do ciclo integral da auga, dos cales 3,28 millóns corresponden ao primeiro ano. Pero máis que cifras o realmente importante é que con este contrato imos poder conseguir unha auga de calidade renovando as plantas potabilizadoras; mellorar de forma continua as redes municipais con 250.000 euros anuais do fondo de infraestruturas e 1,6 millóns adicionais o primeiro ano; imos xestionar dunha forma eficiente e efectiva a rede de alcantarillado; imos mudar a lectura manual de contadores por telelectura; imos controlar a calidade da auga dos mananciais naturais; e, en definitiva, xestionar dunha forma óptima un recurso escaso como é a auga. Ademais, coa construción da nova EDAR e este contrato imos poder operar dunha forma completa, integrada e eficaz todas as depuradoras de augas residuais do concello, preservando o medio ambiente”.
Para rematar Fran Cajoto destacou que “o crecemento e a evolución de Foz teñen que verse acompañados da mellora das infraestruturas, para garantir uns servizos de calidade. Fixemos os deberes e estoulle moi agradecido a todos os técnicos (municipais e externos) que o fixeron posible; grazas a eles vai a mellorar a vida dos nosos veciños”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
