Lugo, 31 de xaneiro de 2026. O secretario comarcal da FCM-CIG da comarca Lugo-A Mariña, Afonso Losada, manifestou o profundo pesar e a rabia da organización ante o falecemento de dous operarios de conservación de estradas na A-8 este pasado venres.
Desde a CIG trasladan o seu máis sentido dó, abatemento e pesar ás familias e aos compañeiros e compañeiras dos dous traballadores falecidos, e póñense ao seu enteiro dispor para o que precisen nestes momentos de desolación. Así mesmo, permanecen pendentes e preocupados pola evolución dos operarios feridos, aos que desexan unha pronta melloría.
A organización subliña que non se trata dunha fatalidade inevitable, senón da cruenta realidade dun sector que traballa en condicións de risco extremo. A CIG expresa a súa absoluta indignación polas condicións de traballo na conservación de estradas e considera intolerable que a clase traballadora teña que xogarse a vida a diario con tráfico aberto, a escasos metros de vehículos a gran velocidade, mentres as empresas e a administración miran para outro lado.
Desde a FCM-CIG lembran que os operarios da A-8 levan anos de loita reclamando o plus de perigosidade polas durísimas condicións que soportan, especialmente no alto do Fiouco. A organización denuncia a teimosía da empresa, que se negou reiteradamente a recoñecer este dereito, o que obrigou os traballadores e traballadoras a reclamar xudicialmente.
O Xulgado do Social de Lugo rexeitou a petición dos operarios de mantemento, a pesar de recoñecer ese plus ao persoal vixiante que, paradoxalmente, realiza a maior parte da xornada nos seus vehículos e sen unha exposición tan prolongada ao tráfico rodado.
A FCM-CIG leva anos demandando que se inclúa nos convenios da Construción un anexo específico que regule as especiais condicións das persoas traballadoras do sector, no que solicitan:
• Seguridade real e inmediata: non máis traballos en condicións de desprotección absoluta. As administracións deben asumir a súa responsabilidade subsidiaria ante a falta de medidas das concesionarias.
• Recoñecemento económico do risco: asignación inmediata de pluses de perigosidade en todas as contratas.
• Un marco normativo específico e urxente: que regule gardas, reténs e saídas en condicións extremas de temporal ou neve.
A organización lamenta que, mentres a CIG leva anos pelexando por estas cuestións en Lugo e en toda Galiza, a patronal e os sindicatos estatais teñan bloqueado sistematicamente calquera avance, negándose sequera a sentar a falar do tema. Para a CIG, a seguridade non se negocia: deféndese.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
