Ribadeo, 31 de xaneiro de 2026. Ribadeo segue tratando as palmeiras afectadas polo picudo vermello, unha das pragas máis destrutivas en todo o mundo para estas plantas.
O concelleiro de Medio Ambiente, Diego Dos Santos, explicou que “estamos preocupados pola delicada situación na que se atopan as palmeiras dos parques e espazos públicos, de aí que estes días estámoslles a aplicar un tratamento en ducha de acetamiprid. Segundo nos explican desde a empresa que realiza este traballo trátase dun insecticida sistémico neonicotinoide específico para acabar co picudo vermello, un insecto que está atacando ás palmeiras de Ribadeo, de todo Galicia e do Occidente asturiano, así como noutros moitos lugares de todo o mundo”.
O edil ribadense indicou que “se acordoaron os parques para poder aplicar este insecticida desde unha carretilla e empregando un lanza”.
Diego Dos Santos dixo que “un claro exemplo do perigo que supón o picudo vermello témolo na Devesa, onde en poucos meses acabou con 15 palmeiras”.
O concelleiro de Medio Ambiente anunciou que “desde o Concello imos sacar un Bando animando ás veciñas e veciños que teñan palmeiras nas súas propiedades a que as traten tamén, si queren conservalas. O picudo vermello é moi agresivo e está atacando duramente a todas as palmeiras. Non hai máis que dar un paseo por Ribadeo e ver como están tanto as dos espazos públicos como as das fincas particulares”.
E engadiu: “as persoas que non saiban como actuar coas súas palmeiras poden achegarse polo Concello de Ribadeo, onde serán asesorados polo técnico de Medio Ambiente”.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
