A conselleira María José Gómez visitou hoxe o pasteiro impulsado nos montes veciñais en man común de Laxamoura, que abrangue unha superficie de 55,67 hectáreas e que no que se investiron preto de 90.000 euros
Xove, 10 de xaneiro de 2026. A conselleira do Medio Rural, María José Gómez, visitou na mañá de hoxe o pasteiro impulsado nos montes veciñais en man común de Laxamoura, no concello lucense de Xove, onde enxalzou a utilidade desta ferramenta como un modelo de aproveitamento sustentable do territorio.
Destacou así mesmo que se trata dun sistema compatible coa preservación do patrimonio natural que actúa, ademais, como unha barreira natural contra os lumes, ao tempo que favorece a gandaría en extensivo. Asemade, incidiu na importancia de contar cunha Política Agraria Común forte e con fondos suficientes que permitan impulsar este tipo de proxectos e traballar así a prol do medio rural.
O pasteiro, explicou a titular de Medio Rural, abrangue unha superficie de 55,67 hectáreas e nel investíronse case 90.000 euros. A través deste orzamento puideron levarse a cabo os necesarios labores de roza, tanto de xeito mecanizado como manual. Gómez sinalou que nesta zona xa se realizaran con anterioridade outra serie de intervencións, como a renovación do peche ou a reparación das mangas de manexo.
Plan de pastos de Galicia
María José Gómez reafirmou a aposta do Goberno autonómico por seguir impulsando estas ferramentas a través do Plan de Pastos de Galicia, que dende o ano 2020 permitiu a mobilización de case 2.500 hectáreas en 106 pasteiros, cun investimento que rolda os 15 millóns de euros.
Neste sentido, asegurou que a Xunta de Galicia manterá esta liña de traballo da man dos propietarios do monte para levar a cabo estas iniciativas, co fin de garantir un rural máis produtivo, protexido e con futuro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
