Mondoñedo, 10 de xaneiro de 2026. O xurado do VII Concurso de Decoración de Nadal, convocado polo Concello de Mondoñedo a través da súa Concellería de Cultura, deu a coñecer este sábado 10 de xaneiro o fallo do certame, logo de avaliar na primeira semana deste ano as candidaturas presentadas conforme ás bases reguladoras publicadas na web municipal.
Este concurso ten como obxectivo fomentar o espírito do Nadal e a participación cidadá na ornamentación de espazos do municipio, dando protagonismo aos veciños, veciñas e colectivos locais. A iniciativa promove a implicación activa da cidadanía na creación dun ambiente festivo, acolledor e respectuoso co entorno histórico e patrimonial de Mondoñedo, localidade integrada na rede de Pueblos Más Bonitos de España.
Con esta proposta búscase que rueiros, prazas, fachadas e parroquias luzan a súa mellor imaxe durante as datas do Nadal, contribuíndo á dinamización da vida social, cultural e turística do municipio.
O xurado estivo composto por:
· Dª. Claudia del Pino, como representante da Mancomunidade da Mariña
· Dª. Mónica Barreira, como representante do tecido asociativo local.
· Dª. Carmen Cruzado, como presidenta da Federación de Comercio da Mariña (Fcam).
· Dª. Paloma Vázquez, xefa do servizo provincial de Turismo da Delegación da Xunta en Lugo.
· Dº Manuel Antonio Fernández, director territorial de Cultura, Lingua e Xuventude, da Delegación da Xunta en Lugo.
Exerce como secretario coordinador do concurso, con voz e sen voto, o concelleiro de Cultura e Xuventude, Alberto García, quen facilita o material fotográfico e declarada válidamente constituída a sesión de maneira telemática.
Tras a deliberación correspondente, o xurado acordou conceder os seguintes premios:
· Conceder o premio na Modalidade Individual para casas particulares, dotado de 100 euros, a Dº. Jesús Basanta Villalba, polo seu decorado na vivenda situada en Grove, 15, na parroquia de Vilamor.
· Conceder o premio na Modalidade Individual para negocios (comercios, bares, oficinas, etc), dotado de 100 euros, a “Confitería La Alianza” polo seu decorado do escaparate na rúa Progreso, 22.
· Conceder o premio na Modalidade Colectiva no Casco Urbano ao Barrio dos Muíños, dotado de 200 euros, polo seu decorado que consegue salientar moi axeitadamente o rico patrimonio cultural deste entorno.
· Conceder o premio na Modalidade Colectiva no Rural, dotado de 200 euros, ao barrio de Xersido, na parroquia de Oirán, pola súa decoración.
· A maiores, consideran conceder dúas mencións especiais a “A Tenda de Neves” na modalidade de negocios, e á decoración da casa dos Muíños de Arriba, 35, na modalidade de particulares.
Pola súa banda, o concelleiro de Cultura puxo en valor a implicación dos veciños, veciñas e asociacións locais, agradecendo expresamente a súa colaboración na posta en valor do municipio. Sinalou que esta participación cidadá súmase á aposta pola decoración do Nadal que realiza o propio Concello, permitindo chegar a máis espazos e lugares que, unicamente cos medios municipais, non sería posible abarcar. Neste senso, destacou que o concurso exemplifica un modelo de boa colaboración entre a administración local e a cidadanía, reforzando de maneira colectiva a imaxe de Mondoñedo durante as festas do Nadal.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
