A conselleira María José Gómez realizou unha visita a este CFEA, no que se veñen de acometer actuacións para renovar e actualizar as súas infraestruturas cun investimento de algo máis de 43.000 euros
Ribadeo, 7 de decembro de 2026. A conselleira do Medio Rural, María José Gómez, realizou unha visita ao Centro de Formación e Experimentación Agraria (CFEA) Pedro Murias de Ribadeo, onde se vén de acometer unha reforma na súa planta baixa para mellorar as instalacións deste centro cun investimento de algo máis de 43.000 euros co fin de ampliar a oferta formativa do centro.
Durante o seu percorrido pola zona na que se realizou a reforma, no que estivo acompañada polo alcalde do municipio de Ribadeo, Daniel Vega, a conselleira explicou que as actuacións consistiron na creación de dúas novas aulas e un baño. Para facelo, foi necesario demoler antigos tabiques e levantar outros novos, así como colocar novos solos e renovar a fontanería e as luminarias existentes ata o de agora. Con estas aulas poderase contar con espazo suficiente para impartir outro tipo de formación ademais da regrada.
Deste xeito, avánzase na iniciativa da Consellería do Medio Rural pola creación da rede de espazos de especialización e innovación agraria no seo dos CFEA. Estes espazos servirán para apoiar, asesorar e ofrecer unha formación máis específica aos profesionais nos procesos de elaboración, transformación, innovación e comercialización das súas producións.
Outras obras de mellora acometidas no Pedro Murias
Por outra banda, as obras realizadas no Pedro Murias forman parte da aposta do Goberno autonómico por mellorar a experiencia do alumnado que cursa neles os seus estudos vencellados coa rama agraria. A conselleira lembrou que tamén se acometeron obras de mellora e mantemento na residencia de estudantes do Pedro Murias, que abriu de novo para este curso 2025-2026.
Ademais da residencia, que conta cun total de 21 prazas de aloxamento, tamén se procedeu á renovación dos aparellos da lavandería, cun investimento de preto de 19.000 euros, e cociña, cuxas dotacións e equipamentos tamén se melloraron e para os que se destinaron algo máis de 22.500 euros.
Aposta pola formación da rama agraria
Xa para rematar, María José Gómez destacou que o Pedro Murias é un dos seis CFEA que hai espallados pola comunidade e que contribúen a ofrecer formación cualificada aos profesionais dos sectores agrario, gandeiro e forestal. Así mesmo, enxalzou o labor que desenvolven estes centros como garantes da remuda xeracional e a fixación de poboación no medio rural. Neste sentido, afirmou que renovar e modernizar as súas instalacións é fundamental para poder impartir unha formación de calidade que prepare aos futuros profesionais do agro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
