Ribadeo, 27 de xaneiro, 2026. O grupo municipal do BNG de Ribadeo vén de presentar unha moción para o seu debate no Pleno na que propón consignar 100.000 euros do Plan Deputación 2026 para obras de saneamento nas zonas rurais do concello. A iniciativa formúlase tendo en conta que no orzamento municipal de 2026 non se inclúe ningunha partida destinada a este tipo de actuacións. O BNG considera que esta achega permitiría retomar intervencións moi demandadas pola veciñanza do rural.
O voceiro do BNG, Pablo Vizoso, sinala que “o saneamento é unha das obras máis básicas e necesarias da zona rural, aínda que supón unha forte inversión que obriga a ir actuando pouco a pouco”. Lembra que, nos anteriores gobernos do BNG, existía unha planificación para executar saneamentos de maneira constante en diferentes puntos do municipio, reservando cada ano unha partida orzamentaria específica para estes proxectos.
Vizoso explica que, coa entrada do novo exercicio, comprobaron que o orzamento de 2026 non contempla fondos para estes labores, malia seguir sendo unha das principais demandas da veciñanza do rural, tanto da costa como do interior. Por iso, e coincidindo co reparto do Plan Deputación, consideran unha boa oportunidade propoñer que o goberno municipal destine unha cantidade inicial de 100.000 euros para reactivar actuacións de saneamento nas parroquias.
A moción será debatida no Pleno do martes 27 de xaneiro, e o BNG agarda contar co apoio de todos os grupos políticos. O voceiro admite que esta achega non resolverá o problema na súa totalidade, pero defende que “é un bo punto de partida” e insiste en que o saneamento “debe ser unha prioridade para o concello”.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
