Riotorto, 29 de xaneiro de 2026. O BNG de Riotorto lamenta que o concello siga sen Hospitalización a Domicilio. A Xunta de Galicia anunciou nos últimos días unha ampliación da cobertura deste servizo a varios concellos do sur da provincia pero as veciñas e veciños de Riotorto -e tamén da Pontenova e da Ribeira de Piquín- seguen excluídos desta atención.
A formación nacionalista recorda que nos últimos meses rexistraron iniciativas no Parlamento de Galiza e impulsaron un acordo do pleno de Riotorto para reclamar este servizo, que permite prestar coidados hospitalarios no domicilio a pacientes que o precisan, entre outros casos, persoas con enfermidades crónicas complexas, anciás ou pacientes de oncoloxía.
A portavoz, Vanesa Gómez, critica que “Clemente Iglesias garde no caixón os acordos do pleno e permita que a Xunta de Galicia siga discrimando ás veciñas e veciños de Riotorto, que non poden recibir este tipo de atención en caso de necesitala. Chámanos a atención a forma en que a propia Xunta explicou a ampliación do servizo no sur, falando da xestión dos alcaldes. Non fixo Clemente Iglesias o seu traballo? O PP quita e pon recursos a golpe de interese electoral e tómanos o pelo a todas e todos? Ou as dúas cousas?”.
A concelleira nacionalista lembra que “o Partido Popular de Riotorto ponse de perfil sempre que se trata de reclamar melloras nos servizos sanitarios, como fixeron mentras a veciñanza se mobilizou para reclamar unha atención continuada e estable no centro médico”.
A este respecto, o BNG de Riotorto valorou a incorporación nestes días ao centro de saúde dunha facultativa, que obtivo a praza na Oferta de Emprego Público de 2025. A praza incluíse na convocatoria despois dunha importante mobilización veciñal, con concentracións diante do centro de saúde e unha recollida de sinaturas. A segunda praza de medicina familiar do centro médico segue sen estar cuberta.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
