Alfoz, 30 de xaneiro, 2026. O Concello de Alfoz recibiu a comunicación oficial da Secretaría Xeral da Lingua da Xunta de Galicia coa proposta de modificacións no Nomenclátor de Toponimia de Galicia, resultado da revisión realizada polo Seminario de Onomástica da Real Academia Galega e pola Comisión de Toponimia.
Segundo a documentación remitida, a proposta inclúe o cambio do nome oficial do municipio, que pasaría de denominarse Alfoz a Alfoz do Castrodouro. Tamén se recolle a modificación do nome da parroquia de O Castro de Ouro, que adoptaría a forma O Castrodouro.
A revisión afecta igualmente a numerosos lugares do concello, nos que se propoñen adaptacións lingüísticas orientadas a recuperar as formas consideradas correctas desde o punto de vista histórico e etimolóxico, así como a incorporación ou axuste do artigo en varios topónimos. Entre estas modificacións figuran cambios como Clavos → Cravos, Corbite → Corvite, Enxameado → Enxameao, Agueira → Agüeira ou Gavián → Gabián, ademais da normalización de nomes como A Solbeira, A Costoira, O Lavanco, A Ponte do Vao, O Vao ou Viñavella.
A proposta tamén elimina formas como A Rúa de Escourido, que pasaría a denominarse simplemente Escourido; concreta denominacións xa existentes, como Faián de Abaixo e Pesquita de Abaixo; e incorpora oficialmente novos lugares ao nomenclátor, entre eles Meixide, Faián de Arriba e Pesquita de Arriba.
A alcaldesa de Alfoz, Efigenia Maseda, valorou a comunicación sinalando que “hai cambios que son lóxicos e xustos, xa que responden á recuperación da forma tradicional e correcta dos nomes, algo fundamental para protexer o noso patrimonio lingüístico”. Engadiu, ademais, que “no relativo ao nome oficial do concello estamos ante unha cuestión de identidade colectiva, polo que debería ser a veciñanza quen decida”.
A rexedora explicou que esta postura xa foi trasladada ao secretario xeral de Política Lingüística da Xunta de Galicia, Valentín García Gómez, nunha reunión mantida en Lugo con representantes da Comisión de Toponimia, na que foi convidada a coñecer a proposta de modificacións.
Desde o goberno municipal deféndese que o proceso debe desenvolverse con información e participación da veciñanza, garantindo que as decisións finais combinen o rigor técnico co respecto ao sentir da poboación.
O Concello de Alfoz manterá informada á cidadanía dos seguintes pasos deste procedemento, que culminará coa validación definitiva por parte do Consello da Xunta de Galicia.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
