Viveiro, 9 de xaneiro, 2026. O Bloque Nacionalista Galego celebrou en Viveiro un encontro aberto baixo o lema “Viveiro e A Mariña merecen máis”, no que denunciou o abandono histórico da comarca en materia de infraestruturas e reclamou compromisos reais tanto da Xunta de Galiza como do Goberno do Estado.
Na mesa participaron Seve Salgueiro, concelleiro do BNG en Viveiro; Iria Cotelo, portavoz municipal; Daniel Castro, deputado no Parlamento de Galiza; e Néstor Rego, deputado no Congreso.
Daniel Castro: “A VAC Costa Norte non pode quedar nunha estrada convencional”
O deputado Daniel Castro criticou que, tras máis de 25 anos de promesas incumpridas por parte dos gobernos do PP, a VAC Costa Norte continúe sen executarse. Afirmou que a proposta actual da Xunta “é inaceptábel”, ao reducir o proxecto a apenas 10 quilómetros dunha vía que “nin é de alta capacidade nin resolve os problemas de mobilidade e seguranza”.
Castro defendeu a necesidade dunha VAC continua, de altas prestacións, que contribúa a fixar poboación e a impulsar o desenvolvemento económico e social da Mariña.
Rego reclama avances reais na A-74: “É unha débeda histórica coa Mariña”
Pola súa parte, Néstor Rego lembrou as iniciativas impulsadas polo BNG no Congreso para avanzar na construción da Autovía A-74 Barreiros–San Cibrao, chamada a dar continuidade á A-8 ao longo de 33,5 km e a conectar directamente co porto de interese xeral de San Cibrao.
Rego pediu ao Goberno do Estado que “tome en serio dunha vez esta infraestrutura” e estableza un cronograma claro para que a autovía sexa unha realidade “no inicio da terceira década do século XXI”. Tamén lembrou que nin PP nin PSOE foron quen de executala.
Porto de San Cibrao: Autoridade Portuaria propia e apertura do dique norte
O deputado nacionalista reclamou a creación dunha Autoridade Portuaria propia en San Cibrao, segregada da de Ferrol, e a apertura ao tráfico comercial do dique norte de Morás. Segundo explicou, permitiría unha xestión máis eficiente, optimizar instalacións e garantir que os beneficios revertan directamente na comarca.
Rego destacou o potencial do porto, o de maior calado da Mariña, para dinamizar a economía nun momento de incerteza industrial.
Servizos ferroviarios de proximidade: un avance impulsado polo BNG
Como exemplo de avances logrados pola organización, Rego puxo en valor a implantación dos servizos ferroviarios de proximidade na Galiza, recollidos no Acordo de Investidura e incorporados á Lei de Mobilidade. A Mariña estará incluída a través da liña complementaria de ancho métrico, con máis frecuencias, máis liñas e horarios adaptados ás necesidades reais.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
