Vilalba, 9 de xaneiro, 2026. Vilalba acolleu este mediodía unha concentración diante do centro de saúde para reclamar unha atención sanitaria pública digna, de calidade e con persoal suficiente. A mobilización, convocada polo Concello co consenso unánime de todos os grupos políticos da corporación, buscou lanzar unha chamada conxunta á cidadanía ante a situación crítica que atravesa o servizo sanitario no municipio.
Baixo o lema “Pola defensa do centro de saúde de Vilalba”, arredor de 500 veciños e veciñas amosaron a súa preocupación polo deterioro progresivo da atención sanitaria e o seu apoio a unha reivindicación que afecta ao conxunto da comarca.
Durante o acto, deuse lectura a un manifesto consensuado por todos os grupos municipais. O texto foi lido por Benita Martínez, matrona do centro de saúde durante máis de 15 anos ata a súa xubilación, nun xesto simbólico de recoñecemento ao persoal sanitario.
Un centro de saúde en situación límite
No manifesto púxose de relevo a grave situación que vive o centro de saúde de Vilalba, onde 4 dos 11 cupos médicos permanecen sen cubrir. Esta carencia provoca que as baixas, vacacións ou días libres non se substitúan, chegando a rexistrarse xornadas nas que só tres médicos atenden toda a poboación adscrita.
A presión asistencial increméntase ademais pola actividade do Punto de Atención Continuada (PAC), que atende urxencias doutros concellos da contorna sen recibir reforzos de persoal.
O texto tamén recolleu a falta de substitucións en enfermería e a situación especialmente preocupante do servizo de pediatría, onde só un dos cupos permanece operativo. Ademais, denunciouse a perda progresiva de especialidades fundamentais —como oftalmoloxía, xinecoloxía ou reumatoloxía—, o que reduce a carteira de servizos dispoñibles para a veciñanza da comarca.
“Vilalba sabe unirse para defender a saúde”
Ao remate da concentración, a alcaldesa Marta Rouco agradeceu “a resposta masiva da veciñanza, que hoxe volveu demostrar que Vilalba sabe unirse cando se trata de defender un dereito fundamental como é a saúde”.
Rouco subliñou que a mobilización é “froito do consenso, da responsabilidade institucional e da vontade de sumar forzas para conseguir solucións reais”. Engadiu que “a protesta unida e firme é a vía para que as administracións competentes tomen cartas no asunto” e lembrou que “non se están a pedir privilexios, senón unha atención sanitaria pública digna e acorde ás necesidades reais da poboación”.
A rexedora asegurou que o Concello continuará defendendo esta causa “con todas as ferramentas ao noso alcance, buscando a máxima repercusión posible, mantendo a man tendida ao diálogo e tamén a firmeza nas reivindicacións”. Concluíu advertindo que “a sanidade pública non pode esperar e Vilalba precisa solucións”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
