Burela, 17 de xaneiro, 2026. O Reyco Burela FS non puido sumar na Tarde Laranxa de Vista Alegre ante o AD Ceuta FC, nun encontro moi igualado que se decidiu na segunda metade e no que dous infortunios en propia porta penalizaron ás locais. A boa primeira parte das laranxas non atopou continuidade tras o descanso, malia ás ocasións e ao empuxe final en xogo de cinco.
Primeira metade: dominio e ocasións para o Burela
O partido arrincou cun Burela incisivo. No minuto 5, Sandra rozou o 1-0 cun disparo ao segundo pau tras un contraataque pola banda. Na xogada seguinte, Forsuik obrigou a Ana Eliza a sacar unha man providencial para evitar o gol.
Romero probou fortuna sen acerto e, no minuto 7, Macarena e Lara tiveron unha boa ocasión nunha contra que se marchou por pouco. No 11, Claudia Navas estrelou un balón no pau e Ana Eliza volveu aparecer para salvar o tanto visitante. O marcador non se moveu antes do descanso.
Segunda metade: dous golpes e reacción laranxa
A reanudación comezou cunha das ocasións máis claras do encontro: un balón de Lara nun saque de córner que Sara Soares desviou coa punteira nunha tripla acción que tamén involucraba a Laura.
O 0-1 chegou no minuto 27, nun intento de despexe de Laura Barranco que acabou entrando xunto ao pau. Só un minuto despois, Ana Eliza volveu lucirse ante Su Reis, e no 33 detivo outro lanzamento perigoso da mesma xogadora.
No 34, o Ceuta ampliou a vantaxe (0-2) noutro infortunio local: un remate de Forsuik ao segundo pau desviouse en Macarena e acabou dentro da portería.
Empuxe final e sentenza
O Burela recortou distancias de inmediato. Lara marcou desde a área tras un pase de Cris Blanco, xa en situación de xogo de cinco con Irene como porteira-xogadora.
A falta de tres minutos chegou a quinta falta local, e pouco despois a sexta, cometida por Laura Barranco. Gi Costas executou o dobre penalti, pero Ana Eliza volveu aparecer para manter a vantaxe visitante.
No último minuto, Nathalia aproveitou unha contra co Burela volcado en ataque para asinar o 1-3 definitivo cun disparo á escuadra.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
