Burela, 17 de xaneiro, 2026. Vista Alegre acolleu a estrea de Juanma Marrube e das incorporacións de inverno —Nico, Raid, Mauro e Bingyoba— nunha Tarde Laranxa que reuniu arredor de 500 persoas. O Burela adiantouse e asinou unha boa primeira parte, pero o Leganés aproveitou mellor as súas ocasións na segunda metade para levarse tres puntos clave.
Un inicio ilusionante e un partido moi igualado
O encontro comezou cun ritmo alto e ocasións para ambos equipos. O Burela mostrouse cómodo e incisivo, e no minuto 10 chegou o primeiro tanto: Izan rematou no segundo pau un saque de córner executado por Raid, poñendo o 1-0.
A alegría durou pouco. Só un minuto despois, Charly igualou cun disparo potente tras recibir dun saque de banda; o balón tocou no pé de Starna antes de entrar na portería local.
O Burela seguiu buscando o gol: Pitero rozou a escuadra no 14, Starna evitou o segundo visitante no 15 e Álex Fuentes quedou moi preto do 2-1 cun disparo cruzado no 17.
O Leganés impón a súa pegada na segunda metade
Tras o descanso, as primeiras ocasións foron para o Leganés. O Burela respondeu cunha presión máis alta a partir do minuto 25, pero os visitantes aproveitaron mellor as súas transicións.
No 28, Juanma culminou un cara a cara con Starna tras unha acción rápida iniciada por Cendán, poñendo o 1-2. Xa no 31, Álex de la Fuente ampliou a vantaxe tras roubo en media pista e definición ante o porteiro arxentino.
O Burela non baixou os brazos: Bingyoba estrelou un balón no pau no 32 e Alán volveu rozar o gol pouco despois.
A aposta polo xogo de cinco non atopou premio
A falta de catro minutos, Pitero saíu como porteiro-xogador para buscar a remontada. Marrube pediu tempo morto no 38 e o equipo insistiu ata o final, pero sen fortuna: Izan enviou por riba do traveseiro unha das últimas ocasións e Bingyoba topouse con Óscar da Faya no derradeiro intento antes do asubío final.
O debut de Marrube e das novas fichaxes deixou boas sensacións e unha grada entregada, pero o Leganés mostrou máis eficacia nos momentos decisivos. O Burela continúa a súa posta a punto nesta nova etapa, con sinais de mellora e unha afección que respondeu con forza en Vista Alegre.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
