O centro educativo iniciou a súa andaina no curso 1975-1976
Xove, 23 de xaneiro, 2026. O CEIP Plurilingüe Pedro Caselles Rollán de Xove celebra neste curso 2025-2026 o seu cincuenta aniversario. O centro iniciou a súa actividade no curso 1975-76, agrupando as escolas unitarias distribuídas polas distintas parroquias do concello, agás unha unidade das Gulpilleiras (A Rigueira) e outra de Lago, que se incorporarían xa na década dos oitenta. A creación do colexio supuxo un cambio profundo non só no ámbito educativo, senón tamén nos hábitos sociais da veciñanza, especialmente entre a poboación escolar.
Con motivo desta efeméride, o centro está a preparar unha serie de actividades conmemorativas que se desenvolverán no mes de maio. Para facelas posibles, o colexio solicita a colaboración da veciñanza e de todas aquelas persoas de Xove ou vencelladas ao municipio que mantivesen algún tipo de relación co centro ao longo da súa historia.
O obxectivo é recompilar fotografías das antigas escolas unitarias, imaxes de grupos de alumnado, instantáneas do proceso de construción do edificio, material escolar do curso 1975-76 e libros de escolaridade do alumnado que iniciara ou rematara estudos nese primeiro ano de funcionamento. Tamén serán benvidas fotografías e materiais relacionados cos primeiros anos de vida do que continúa a ser o único centro de infantil e primaria do concello, un feito que merece unha celebración especial.
O equipo directivo agradece de antemán a cesión de fotografías e materiais, así como a colaboración do Concello de Xove, co que xa mantivo varias reunións e que amosou a súa total implicación na organización desta conmemoración.
Pola súa banda, o Concello de Xove expresa o seu compromiso de colaborar en todo o necesario para celebrar unha data tan significativa como o 50 aniversario da fundación do centro. Destácase a importancia histórica da creación desta agrupación escolar que, xunto co Colexio de Palmeiro, supuxo no seu momento un fito fundamental para a comunidade educativa e para o propio municipio, contribuíndo de maneira decisiva ao seu desenvolvemento social e educativo.
O Concello reitera o chamamento para que todas aquelas persoas que dispoñan de fotografías ou material gráfico dos primeiros anos do CEIP Plurilingüe Pedro Caselles Rollán poidan achegalos, co obxectivo de preservar e enriquecer a memoria histórica do centro.
Finalmente, o Concello de Xove ponse á disposición da organización do aniversario para colaborar nas distintas iniciativas previstas, reafirmando o seu compromiso coa educación e coa posta en valor da historia educativa local.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
