Trabada, 28 de xaneiro de 2026. O Concello de Trabada vén de remitir unha nova queixa formal á Dirección de Correos para denunciar as graves deficiencias que continúa a sufrir o servizo postal no municipio. Trátase da segunda reclamación presentada nos últimos meses, tras non terse producido ningunha mellora desde a primeira comunicación enviada en setembro de 2025.
Desde o Concello advirten de que a situación, lonxe de corrixirse, agravouse notablemente, como consecuencia da falta de cobertura de persoal na oficina de Trabada. A baixa da titular do servizo e o atraso na designación de persoal substituto provocaron un funcionamento aínda máis deficiente, con retrasos de varios meses no reparto, notificacións que non chegan aos seus destinatarios, días enteiros sen servizo e unha acumulación alarmante de envíos pendentes.
O alcalde de Trabada, Rubén García Freije, sinala que “estamos a falar dun servizo básico e esencial para a veciñanza, que afecta tanto á vida cotiá das persoas como á actividade administrativa e económica do municipio. Non podemos permitir que os nosos veciños e veciñas sigan sendo prexudicados por unha situación que se podería evitar cunha correcta planificación”.
Desde o Concello lembran que xa na primeira queixa se advertía da necesidade urxente de cubrir vacantes e garantir as substitucións durante períodos de baixas ou vacacións, unha demanda que segue sen resposta efectiva. Por este motivo, nesta nova comunicación solicítase con carácter de urxencia a cobertura inmediata das baixas e vacantes existentes, unha organización do servizo que permita o reparto diario e regular da correspondencia e unha revisión estrutural da dotación de persoal e dos horarios de atención.
“O noso deber como administración local é defender á nosa veciñanza e esixir que os servizos públicos se presten en condicións dignas e óptimas, do mesmo xeito que noutros concellos”, engade o rexedor, quen confía en que “esta segunda reclamación sirva para que Correos adopte medidas inmediatas e dea unha resposta formal á situación”.
O Concello de Trabada manterá a súa postura firme ata que se garanta un servizo postal continuo e equiparable ao de outros municipios, reiterando o seu compromiso coa defensa dos dereitos e necesidades da veciñanza.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
