Burela, 6 de xaneiro, 2026. O Vista Alegre acolleu o segundo derbi consecutivo das Pícaras, esta vez de carácter provincial, nun dos encontros máis agardados da tempada ante o FSF Castro Bloques Cando. O partido estivo marcado pola intensidade, a enerxía e a igualdade, nun duelo no que o técnico visitante, Julio Delgado, non puido dirixir ao seu equipo, sendo substituído por David Pena.
Primeira parte: equilibrio e ocasións
O Castro entrou con forza nos primeiros minutos, xerando varias ocasións que non atoparon portería. No minuto 3, Antía Pérez adiantou ás visitantes cun remate tras un saque de esquina (0-1).
O Burela respondeu con chegadas perigosas:
• Patricia rozou o empate cun balón picado no 7.
• Ana Eliza sostivo ás laranxas con dúas intervencións de mérito no 10.
• Lara tentou sorprender cun taconazo que despexou Caridad.
Os últimos dez minutos do primeiro tempo foron claramente para o Burela, con numerosas aproximacións que non lograron transformar en gol. O 0-1 mantívose ata o descanso.
Segunda parte: máxima igualdade ata o xogo de cinco
A reanudación mantivo o mesmo guión: partido aberto, intenso e con alternativas.
• No minuto 23, Dani Sousa non chega por pouco a un remate no segundo pau.
• No 24, Caridad evita o empate nun man a man con Lara, unha das mellores ocasións locais.
• No 25, chega o 0-2, obra de Dani Sousa, que finaliza un pase de Jenny desde a área.
O Burela seguiu insistindo, pero atopouse cunha inspirada Ana Eliza, que no 28 realizou un dobre paradón ante Luisa Mayara e Patricia.
No minuto 32, Sydorenko entrou como porteira-xogadora para buscar recortar distancias, pero o Castro soubo aproveitar o risco:
• Jenny marcou o 0-3 no 37 a portería baleira.
• Un minuto despois, Dani Sousa asinou o 0-4, tamén en situación de xogo de cinco.
O Burela cometeu a sexta falta a falta de dous minutos, pero Ana Eliza desviou o lanzamento de Patricia. A última ocasión chegou a 18 segundos do final cun disparo de Irene que atrapou Caridad.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
