Os populares condenan “a falta de xestión do día a día” e “a falta de planificación económica” para poder facer fronte aos gastos e acometer inversións
Lourenzá, 8 de xaneiro de 2026. O PP de Lourenzá pon como exemplo da “falta de traballo do goberno local socialista” a ausencia de presupostos municipais para o ano 2026. “Xa deberían estar en vigor, pero o goberno socialista nin sequera presentou unha proposta para valorar polo Pleno”, engaden os concelleiros. “Lourenzá é un dos Concellos que máis tardan en presentar as súas contas: as do ano pasado aprobáronse aínda no mes de agosto do propio 2025”, explican.
“Concellos veciños, con gobernos de diversas cores políticas, aprobaban as súas contas para este ano; mentres que en Lourenzá continuamos agardando por un documento que defina as accións de goberno no noso concello para o 2026”, indican. “Con este goberno, Lourenzá está á cola da Mariña e continúa perdendo visibilidade na comarca”.
Os concelleiros do PP advirten que “xa estamos acostumados a que este goberno presente e aprobe os orzamentos tarde, mal e arrastro; pero que sexa costume non quere dicir que sexa o que se agarda dun goberno responsable que traballe polo desenvolvemento do municipio e pola prestación de servizos aos nosos veciños e veciñas”.
Os populares condenan “a falta de xestión do día a día e das cuestións máis básicas coma a limpeza e mantemento dos bens municipais ou a prestación de servizos básicos aos veciños e veciñas” ao que hai que engadir tamén “a falta de planificación económica” para poder facer fronte aos gastos e acometer inversións.
“Descoñecemos os investimentos previstos polo goberno socialista para este ano en Lourenzá; pero, á vista da ausencia de accións impulsadas no último ano e a falta dun proxecto de orzamentos para o 2026, non podemos ser optimistas”, subliñan.
En canto aos gastos aos que ten que facer fronte o Concello no próximo ano, hai que ter en conta a suba dos salarios -tanto dos traballadores como dos membros do goberno- e que o goberno local socialista continúa sen regularizar a situación das traballadores do Servizo de Axuda no Fogar (SAF).
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
