A formación chama á participación da militancia e da cidadanía na manifestación en defensa da sanidade pública galega
Lugo, 28 de xaneiro de 2026. O PSdeG-PSOE na provincia de Lugo chama á cidadanía a participar este domingo na manifestación en defensa da sanidade pública galega, convocada pola plataforma SOS Sanidade Pública, para denunciar o deterioro progresivo da atención sanitaria e reclamar un sistema público forte, accesible e con recursos suficientes, especialmente no rural.
Militantes e cargos do PSdeG en Lugo participarán na mobilización para dar visibilidade ás denuncias expostas ao longo do último ano nos concellos de toda a provincia, onde a falta de médicos, as ausencias sen substitución, a sobrecarga do persoal sanitario e a precariedade da Atención Primaria forman xa parte do día a día da veciñanza.
Dende o PSdeG lembran que durante 2025 denunciouse de maneira continuada o deterioro da Atención Primaria en numerosos municipios da provincia de Lugo. Abadín, Baleira, Becerreá, As Nogais, Cervo, Portomarín, Xove ou Viveiro son só algúns exemplos dunha realidade que se traduce en centros de saúde que chegan a quedar sen médico varios días á semana, con prazas vacantes sen cubrir durante anos ou cunha atención limitada a horarios claramente insuficientes para poboacións avellentadas e dispersas.
Os socialistas advirten de que estas situacións non son feitos illados nin excepcionais, senón consecuencia directa dunha falta de planificación estrutural por parte da Xunta de Galicia, que abandona a Atención Primaria e normaliza que a veciñanza teña que desprazarse quilómetros ou recorrer aos puntos de atención continuada para recibir asistencia médica básica.
“O que está a acontecer na provincia de Lugo é un exemplo claro do abandono da sanidade pública da Xunta de Galicia: centros de saúde sen médicos, profesionais ao límite e veciñas e veciños que viven coa incerteza de saber se van ser atendidos”, denuncian os socialistas, que lembran ademais que Galicia destina só o 11,82% do orzamento sanitario á Atención Primaria, situándose á cola do conxunto do país.
Dende o PSdeG na provincia de Lugo insisten na necesidade de garantir a cobertura estable das prazas sanitarias, reforzar os cadros de persoal e asegurar unha atención digna e continua en todos os concellos, con independencia do seu lugar de residencia. “A mobilización cidadá é clave para que estas reivindicacións sexan escoitadas, e dende o PSdeG imos seguir loitando -dentro e fóra das institucións- por unha sanidade pública con recursos e persoal suficiente”, conclúen.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
