Hoxe, calquera observador medianamente atento ao proceso seguido polo mundo occidental, seguro que non terá dúbidas do seu extraordinario desenvolvemento material. Mentres, pola contra, no Eido intelectual, moral e político o estancamento e incluso retroceso parecen bastante máis evidentes.
Digo isto porque as falta de esperanza, o medo ao futuro e a inseguridade convertéronse e preocupacións moi presentes nas sociedades occidentais. Preocupacións que son o reflexo da falta de grandes proxectos compartidos e, xa que logo, dun evidente estancamento intelectual e político.
Pero a este esgotamento hai que sumarlle unha acusada degradación moral que se manifesta no cinismo co que se vén operando na política exterior, na elección de Trump polo seu proceder neofascista e imperialista, no avance da extrema dereita europea e nun hedonismo convertido no principal fundamento de vida de milleiros de occidentais. Máis, se algo simbolizou dunha maneira definitoria a nosa decadencia moral foi a masacre e xenocidio que Israel perpetrou en Gaza acompañado dun vergoñento silencio da maioría dos países occidentais.
Todo este panorama estamos a mostrar a outra cara, a cara máis escura e deprimente da nosa civilización, na que se revela a parálise intelectual, o deterioro moral e a fonda crise política que se reflicte no quebrantamiento do dereito internacional pero tamén, no continuado deterioro das nosas democracias que diante das continuadas presións das grandes corporacións multinacionais se foron baleirando dos valores que lle eran propios, dando lugar a grandes crises de representación onde case nada resulta o que parece .
Todo un exemplo de como o sistema económico capitalista foi colonizando a política para acabar subvertindo as nosas democracias.
A esta situación de avance material e progresivo deterioro intelectual, moral e político o pensador Luis Racionero calificou o hai algúns anos de “progreso decadente”. Dous termos antagónicos que poden definir o momento histórico actual. Un desenvolvemento material onde os beneficios se concentran cada vez máis nunha minoría mentres avanza un enorme desencanto existencial que abrangue a gran maioría social.
Enfín, unha profundísima crise que carece dun relato intelectual e político alternativo capaz de alumear o futuro e que semella abocarnos a un escenario carente de límites éticos onde a forza bruta pode converterse na principal fonte de dereito.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
