Ribadeo, 27 de xaneiro de 2026. O pleno extraordinario e urxente que se celebrará esta tarde no Concello de Ribadeo a partir das 20 horas abordará cuestións relativas a urbanismo, ao ciclo da auga e a expropiacións na zona ZEC das Catedrais.
O alcalde, Dani Vega, contou que “esta tarde noite temos pleno municipal para abordar cuestións de importancia para Ribadeo. O primeiro punto vai ser a aprobación definitiva do Plan Especial de Reforma Interior da Área de Reparto D1-AR-11. Estamos a falar en termos urbanísticos, en consecuencia para construír vivenda, concretamente na rúa do cemiterio”.
O rexedor dixo que “tamén hai que asinar novamente o convenio dentro do marco plurianual 2026-2028 con Acisa. Aproveitamos tamén dende o Concello para felicitar polo traballo que están a facer nestes días de promoción turística, pero tamén no día a día en promoción do comercio. Tamén imos aprobar as expropiacións do programa Life da zona ZEC de As Catedrais: a resolución dos tres recursos de reposición; hai toma de coñecemento da declaración por parte da Xunta da ocupación urxente dos terreos. Foi ó Consello da Xunta, vén esa aprobación agora para esas expropiacións dos terreos do programa Life no ZEC das Catedrais e polo tanto é un paso importante”.
Vega seguiu a relatar: “tamén imos dar conta de todos os recursos no Tacgal sobre o proceso de licitación do ciclo de auga. Son dous e creo que é importante informar, poñer luz, transparencia a certas cuestións de licitacións de importancia para Ribadeo. Estes asuntos e varios de menos importancia van tratarse no pleno hoxe ás oito da tarde no Concello”.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
