Ribadeo, 17 de xaneiro de 2026. O Salón dos Alcaldes acolleu as recepcións ofrecidas polo Concello a 24 deportistas locais polos éxitos conseguidos ao longo do ano 2025.
No acto participaron o alcalde, Dani Vega, e o técnico de Deportes, Iván López.
As rapazas e rapaces homenaxeados recibiron tamén cheques económicos da man de Reny Picot. A empresa asturiana quixo sumarse un ano máis con esta achega de máis de 5.000 euros para apoiar as súas carreiras deportivas.
En atletismo os homenaxeados foron Paula Conde Carrelo e Pedro Moirón Soto; en hockey liña Xoel Nonide García; en piragüismo Mateo López Condorí, Manuela Lastra Castillo, Elena Justo Carballeira, Elena González Rico, Carlota López Lorido, e Martín Feijoo Iglesias; en remo Carlota Peña Vior, Antón Balsa Val, Irene García Valle, Sara Rodríguez Álvarez, Zhanna Nelida, Mateo Monteserín González, Paloma Monteserín González, Sebastián Pérez González, Adriana García Martínez, Ariadna Millet Bouza, Conrado Lara Calonge, Alejandro Barreira López e Valeria Álvarez Fojo; en tai-chi Héctor Peña Díaz; e en tiro olímpico Iván Lindín Rodil.
Desde o Concello de Ribadeo felicitáronos polos éxitos do pasado ano e animáronos a seguir practicando deporte, a seguir adestrando e a seguir esforzándose. Tamén lles agradeceron que “o nome de Ribadeo se subise aos podios tantas veces no 2025. Sodes un orgullo para todos nós”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
