Trabada, 23 de xaneiro de 2026. O alcalde de Trabada, Rubén García, realizou un balance moi positivo da presenza do Concello na Feira Internacional de Turismo (FITUR), celebrada esta semana en Madrid, unha cita de referencia a nivel estatal e internacional para a promoción dos destinos turísticos.
Durante a súa estancia en FITUR, o alcalde deu a coñecer o potencial turístico de Trabada, destacando que o turismo é unha fonte moi importante de ingresos para o municipio e unha oportunidade clave para o desenvolvemento económico e social do territorio. Neste senso, puxo en valor recursos como as fragas, a contorna natural do río Eo, as rutas de sendeirismo e o forte vínculo de Trabada coa natureza, elementos que definen a identidade do concello e o converten nun destino atractivo para un turismo sostible e de calidade.
Rubén García sinalou que “Trabada ten un enorme potencial turístico ligado á natureza, á tranquilidade e á autenticidade do rural, e FITUR é un escaparate fundamental para dar a coñecer todo o que podemos ofrecer”. O alcalde engadiu que “apostar polo turismo é tamén apostar pola fixación de poboación e pola creación de oportunidades no noso concello”.
No marco de FITUR, o alcalde de Trabada participou tamén na presentación da Mancomunidade de Concellos da Mariña Lucense, na que se deu a coñecer unha figura cerámica elaborada por Sargadelos en homenaxe ás Carolas ou Canouras, mulleres consideradas pioneiras do turismo na comarca por seren das primeiras en acudir á costa para gozar dos tradicionais baños de mar entre finais do século XIX e comezos do XX.
Desde o Concello de Trabada destacan a importancia de participar de maneira activa neste tipo de eventos, que permiten reforzar a colaboración entre concellos da comarca e proxectar unha imaxe conxunta da Mariña Lucense como destino turístico diverso e complementario.
O goberno municipal reafirma así o seu compromiso coa promoción turística de Trabada, continuando na liña de dar visibilidade aos recursos naturais, culturais e paisaxísticos do concello como motor de desenvolvemento e dinamización económica.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
