Marta Rouco demanda respostas claras e compromisos concretos ante o estado de abandono dunha infraestrutura clave para a capital da Terra Chá
Vilalba, 21 de xaneiro de 2026. A alcaldesa de Vilalba, Marta Rouco, vén de solicitar formalmente unha reunión urxente coa Dirección Xeral de Mobilidade da Xunta de Galicia para abordar a situación da estación de autobuses e esixir solucións reais ante o avanzado estado de deterioro que presenta a infraestrutura.
A rexedora dá este paso tras máis de dous anos de reclamacións ao goberno autonómico e ante a falta de avances concretos, malia os anuncios realizados pola Xunta. Rouco lembra que en xullo de 2025 Mobilidade fixo pública a intención de crear unha nova parada de autobuses e estudar outros usos para a estación actual, pero “medio ano despois non existe ningunha información oficial, ningún calendario nin ningunha actuación visible”.
Segundo denuncia, a estación continúa “sen mantemento, sen baños, sen un espazo axeitado de espera e sen información sobre horarios ou rutas”, unha situación que cualifica de “indigna para un concello como Vilalba, capital da Terra Chá e nó estratéxico de comunicacións”.
Rouco insiste en que a reunión é imprescindible para obter “respostas claras e solucións reais”. Critica que a indefinición se prolongue mentres a estación segue degradándose e os usuarios continúan sen servizos básicos.
Desde o Concello deféndese unha solución inmediata centrada na recuperación dos servizos mínimos: manter operativas as dársenas, habilitar un espazo cuberto de espera, garantir baños públicos, instalar paneis informativos e acondicionar a contorna. “Iso é mellorar o transporte público, non pechar unha infraestrutura”, subliña.
A alcaldesa rexeita que Vilalba poida quedar reducida a unha simple parada e considera “inaceptable” que unha das principais portas de entrada ao municipio leve anos sen investimento nin coidado.
Rouco conclúe que a reunión coa Xunta é “necesaria e urxente” e asegura que o Concello seguirá reclamando unha resposta acorde coa importancia de Vilalba e cos dereitos da súa veciñanza.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
