O encontro serviu para trasladar propostas orientadas a mellorar a experiencia turística no Concello de Viveiro
Viveiro, 16 de xaneiro de 2025. Mariña Gueimunde, alcaldesa de Viveiro, recibiu esta mañá a un grupo de oito alumnos que cursan a especialidade de promoción turística e atención ao visitante no Centro de Formación Profesional Ocupacional da Xunta de Galicia en Viveiro, así como a unha das súas profesoras. O encontro enmárcase no proceso formativo do alumnado e serviu para trasladar varias propostas orientadas a mellorar a experiencia turística no Concello.
Os alumnos realizarán o período de prácticas entre o 30 de abril e o 18 de xuño. Desde o Concello trasladouse a vontade de colaborar para intentar acoller o máximo número posible de estudantes durante ese período e facilitar unha primeira toma de contacto co funcionamento municipal e coas liñas de traballo que se marcan en materia turística.
Durante a visita, o grupo compartiu unha análise baseada na súa experiencia como veciñanza do municipio e na formación recibida. Identificaron fortalezas e tamén aspectos mellorables na oferta turística de Viveiro. Entre as propostas expostas figuran melloras na información dispoñible na web municipal, a actualización de horarios e contidos vinculados á visita a monumentos e recursos patrimoniais, así como a revisión de cuestións relacionadas coa mobilidade e o transporte público para facilitar o acceso a algunhas localizacións.
Os alumnos tamén suxeriron reforzar a sinalización nalgunhas rutas e puntos de interese, mellorar a interpretación e visibilidade de áreas etnográficas, estudar a habilitación dun espazo de estacionamento para caravanas e revisar a presentación e difusión de eventos e actividades, co obxectivo de adaptarse mellor ás novas ferramentas dixitais e incrementar a promoción do destino.
Mariña Gueimunde salientou que o Concello de Viveiro valora estes encontros de xeito «moi positivo». «Serven para establecer unha conexión directa entre a formación e a realidade do Concello, así como para incorporar novas visións e achegas técnicas que poden contribuír a mellorar a planificación e a programación turística municipal», sinalou.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
