Manteranse reunións con empresas e operadores e segueranse as presentacións da Xunta, da Deputación de Lugo e da Mancomunidade da Mariña para impulsar a visibilidade do destino
Viveiro, 22 de xaneiro de 2025. O Concello de Viveiro participa desde onte en FITUR 2026, a Feira Internacional de Turismo que se celebra en IFEMA Madrid ata o 25 de xaneiro. A axenda estará centrada na captación de oportunidades e na mellora da proxección exterior do municipio como destino turístico de calidade.
Mariña Gueimunde, alcaldesa de Viveiro, explicou que a presenza do Concello na feira responde a un obxectivo claro: «Coñecer as novidades do sector, poñer en valor os recursos propios e abrir vías de contacto con empresas, operadores e potenciais investidores que poidan contribuír a consolidar Viveiro como un destino sostible e competitivo». A rexedora sinalou tamén a importancia de «contrastar como se está proxectando Viveiro fóra e, se é necesario, reclamar unha maior visibilidade acorde co seu potencial e coa súa relevancia na comarca e na provincia».
No marco da feira, Viveiro segue tamén as accións promovidas polas institucións ás que pertence e coas que colabora en materia turística. FITUR inclúe unha programación ampla no stand de Galicia e actos específicos da provincia de Lugo e da Mancomunidade de Concellos da Mariña, con presenza e espazo informativo propio no recinto feiral.
Entre as liñas de traballo destacadas polo Concello de Viveiro figura o reforzo dos produtos turísticos vinculados á identidade local e á desestacionalización, así como a procura de novos operadores. Neste sentido, Viveiro pon en valor a Semana Santa, recoñecida como Festa de Interese Turístico Internacional, e a súa participación en iniciativas de cooperación como a Rede Europea de Celebracións de Semana Santa e Pascua.
A presenza en FITUR serve tamén para afondar en ámbitos con capacidade de crecemento, como o turismo deportivo e o turismo náutico. Viveiro conta cun porto deportivo con 235 amarres e condicións orientadas á actividade de lecer na ría, e co porto de Celeiro como activo estratéxico, tanto polo seu peso pesqueiro como polo valor turístico asociado ao produto e á gastronomía.
Mariña Gueimunde subliñou que «o traballo en FITUR ten sentido cando se traduce en relacións estables e en resultados para o noso concello. É dicir, máis visibilidade, máis colaboración e máis oportunidades para o tecido local, desde a hostalaría e o comercio ata a oferta cultural e deportiva».
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
