A Mariña, 5 de febreiro, 2026. O Ministerio para a Transición Ecolóxica vén de iniciar a consulta previa para aprobar as bases que rexerán os concursos de adxudicación dos parques eólicos mariños. Estas bases deberán definir as áreas, a potencia dispoñible, os prazos e os criterios de valoración dos proxectos. As zonas nas que se desenvolverán estas instalacións serán as ZAP (Zonas de Alto Potencial) recollidas nos POEM (Planos de Ordenamento do Espazo Mariño) aprobados en 2023, cinco delas situadas en augas galegas.
Porén, en novembro pasado o Estado puxo tamén en marcha o procedemento de consulta ambiental do segundo ciclo de planificación dos POEM, que deberá estar concluído a finais de 2027. Naquel momento, ADEGA, xunto con outros colectivos ecoloxistas e organizacións sectoriais, advertira das eivas da primeira planificación: non se avaliaban adecuadamente os impactos sobre a pesca artesanal, a paisaxe, os cetáceos ou outros valores ambientais.
Neste novo ciclo, o Ministerio opta por unha revisión profunda da planificación mariña e pretende incorporar criterios que quedaran fóra na primeira versión: zonas de amortecemento de impactos, restauración da biodiversidade, afeccións a caladoiros e áreas de cría, risco de colisión con cetáceos, sumidoiros de carbono, entre outros. Un paso necesario —aínda que insuficiente, segundo ADEGA—, que debería ter ido acompañado dunha planificación específica para as renovables mariñas e non integrada con outros usos nos POEM.
Á vista destes novos criterios, semella lóxico agardar modificacións sensibles nas ZAP fronte ás costas galegas respecto das definidas no primeiro ciclo. Porén, antes de concluír esta revisión, que rematará en decembro de 2027, o Ministerio vén de iniciar os trámites para adxudicar proxectos eólicos nas ZAP vixentes, que poderían —e deberían— ser revisadas segundo o previsto nesta segunda fase.
Para ADEGA, isto supón un grave erro de planificación, motivado pola presión do lobby enerxético e que ademais podería xerar inseguridade xurídica para os propios proxectos. A entidade solicitará ao Ministerio que non convoque ningún concurso ata finalizar a revisión dos POEM. “O contrario sería volver poñer o carro diante dos bois, e xa sabemos como rematou a eólica terrestre en Galiza”, advirten.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
