Marta Villaverde visitou as obras recén executadas por Portos de Galicia en San Cibrao para renovar integralmente os 10 locais para o sector profesional
Cervo, 7 de febreiro de 2026. A Xunta de Galicia investiu 365.000 euros na renovación integral dos locais de armadores que desenvolven a súa actividade no porto de San Cibrao, no municipio lucense de Cervo. A conselleira do Mar, Marta Villaverde, visitou esta tarde as obras, recén rematadas por Portos de Galicia para mellorar as condicións de traballo do sector profesional.
Villaverde, que estivo acompañada polo presidente de Portos de Galicia, José Antonio Álvarez, comprobou os traballos executados tanto na estrutura como na envolvente dos tres edificios que acollen en total os dez locais. A conselleira destacou que a actuación permitiu mellorar a integración dos tres edificacións na contorna portuaria e reducir as necesidades de mantemento dos edificios, en beneficio dos usuarios que xa están a facer uso destes locais.
En concreto os traballos incluíron a restauración dos elementos de formigón armado deteriorados na estrutura aplicándoselle ademais material anticorrosivo para maior durabilidade. Tamén se conectaron todos os locais á rede de saneamento e instaláronse as arquetas correspondentes para o servizo.
Finalmente realizouse un tratamento específico para as humidades da envolvente, derivadas da diferenza de cota entre a fronte e a contrafronte dos edificios e renováronse as cubertas de todos os bloques empregando panel sandwiche e chapas de pizarra.
Reparación da nave de varada
Xunto coa obra dos departamentos, Portos de Galicia rematou recentemente tamén a reparación da nave de varada de San Cibrao. Esta actuación, que supuxo un investimento de 50.000 euros, supón a renovación da estrutura metálica da nave así como da cuberta.
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
