O Concello adxudica o servizo a Facsa, compañía con máis de 150 anos de experiencia na xestión integral da auga e cunha destacada presenza en toda España
Foz, 10 de febreiro de 2026. O Concello de Foz deu un paso decisivo para transformar o futuro hídrico do municipio coa adxudicación dun novo contrato de xestión para os servizos de abastecemento, saneamento e depuración. Trátase dunha aposta estratéxica que chega nun momento clave, marcado polo crecemento demográfico, a forte estacionalidade turística e a necesidade de actualizar unhas infraestruturas que deben estar preparadas para un escenario climático cada vez máis esixente.
O novo contrato, adxudicado por un período de 15 anos a Facsa, compañía especializada na xestión integral da auga con máis de 150 anos de experiencia, substitúe ao acordo vixente desde 1992 e permitirá impulsar unha renovación integral do sistema, incorporando un modelo de xestión máis avanzado, sostible e dixitalizado. A experiencia de Facsa á fronte de proxectos e servizos de referencia en todo o territorio estatal permitirá trasladar a Foz solucións contrastadas e adaptadas á realidade local e aos retos do ciclo urbano da auga.
O novo marco contractual establece un orzamento global de 29 millóns de euros e prevé un investimento inicial de 1,1 millóns de euros para poñer en marcha as primeiras actuacións, xunto cun plan de investimentos próximo aos 8 millóns de euros que permitirá a actualización e reforzo das infraestruturas hidráulicas.
Resposta a demandas históricas
Esta adxudicación permitirá dar resposta a demandas históricas no sistema de abastecemento mediante a remodelación integral da Estación de Tratamento de Auga Potable (ETAP) de Foz, que incluirá a construción dunha nova liña de lodos. Esta actuación, que constitúe o principal investimento do contrato, desenvolverase incorporando criterios de innovación, eficiencia e optimización operativa, apoiados na experiencia de Facsa na modernización de infraestruturas similares, como a liña de lodos que xestiona en Toledo, unha instalación capaz de recuperar cada ano preto de 500.000 metros cúbicos de auga. Todo isto co obxectivo de garantir un subministro máis seguro, fiable e preparado para os picos de demanda.
Así mesmo, prevese a mellora do sistema de abastecemento de Cordido, con actuacións no depósito, a captación e a condución de impulsión, así como o reforzo da conexión entre os depósitos de Fazouro —cabecera do sistema— e o depósito de distribución de Foz, o que permitirá aumentar a estabilidade e fiabilidade do subministro municipal.
Saneamento e depuración: máis control, prevención e protección do litoral
En materia de saneamento e depuración, o novo servizo reforzarase cun plan intensivo de inspección e limpeza de máis de 125 quilómetros de rede, xunto coa implantación de sistemas de telexestión e monitorización en puntos críticos. Estas actuacións permitirán anticipar incidencias, mellorar a capacidade de resposta ante episodios de choivas intensas e avanzar cara a unha xestión máis eficiente, preventiva e transparente da rede, especialmente relevante nun municipio costeiro cunha marcada estacionalidade.
Así mesmo, optimizarase a operación das cinco estacións depuradoras do termo municipal —Foz, Fazouro, Cangas, Nois e Vilaronte— e porase en funcionamento a nova EDAR de Foz, actualmente en construción, incorporando melloras tecnolóxicas que garantirán a calidade do efluente e a protección da ría e das zonas de baño.
Un salto tecnolóxico para Foz
A experiencia de Facsa na dixitalización da auga traducirase na implantación de sistemas avanzados de xestión, como a telelectura de contadores, unha tecnoloxía que a compañía xa implantou con éxito en comunidades como a Comunitat Valenciana, Castela e León, Illas Baleares e Asturias. Este sistema facilitará un maior control do consumo, unha detección máis temperá de fugas e unha xestión máis eficiente e transparente do servizo. O contrato incorpora, ademais, medidas orientadas a reducir o impacto ambiental, como o uso de vehículos de cero emisións e o impulso de enerxías de orixe renovable na operación diaria.
Un servizo máis próximo á cidadanía
Para reforzar a atención á poboación, o novo modelo de xestión contempla a posta en marcha dunha oficina móbil que percorrerá as parroquias, mantendo tamén a oficina presencial en Foz para garantir unha atención próxima e accesible. A adxudicación asegura igualmente a continuidade do persoal actual do servizo, que contará cun plan formativo específico para acompañar a implantación do novo modelo e reforzar a calidade do servizo.
Sobre Facsa
Facsa, empresa orixe de Nealis, con máis de 150 anos de experiencia na xestión do ciclo integral da auga e impulsora de novas actividades derivadas desta xestión, como a valorización de residuos e a bioenerxía, conta cun equipo de máis de 1.500 profesionais despregados polas súas nove delegacións en toda España.
A compañía xestiona máis de 260 estacións depuradoras que dan servizo a unha poboación equivalente de 2.350.000 habitantes e subministra auga potable cada día a máis de 2.500.000 persoas de máis de 300 poboacións. A tecnoloxía e a innovación son os seus grandes aliados para facer fronte aos retos que están a marcar o futuro do sector da auga.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
