O senador do PP de Lugo esixe a Mogo “que pise máis a provincia, xa que só está de forma ocasional” xa que os lucenses “precisamos de representantes que nos defendan, non que unicamente se preocupan de contentar ao presidente do Goberno”
Lugo, 28 de febreiro de 2026. O senador do Partido Popular de Lugo, Juan Serrano, acusa ao senador do PSOE, César Mogo, de mentir cada vez que “di defender os intereses da provincia, xa que o único que fai é defender os intereses de Pedro Sánchez”.
Juan Serrano afirma que “estou canso de que diga que minto cada vez que defendo a provincia na que resido; báixese do avión e percorra Lugo como o facemos os que vivimos aquí todos os días. Non son ningún cunero, eu débome ao territorio e á xente que me coñece, pode dicir vostede o mesmo?”.
O senador popular recorda como a súa traxectoria profesional sempre estivo vencellada á provincia. “Levo 40 anos de autónomo e quero seguir mirando aos ollos a quen me coñece de toda a vida e teña a seguridade de que eu sempre poño por diante os intereses da provincia e dos lucenses nas miñas reivindicacións”, asegurou.
En relación coas cifras de investimento en infraestruturas das que presume o PSOE, Juan Serrano sinala que “se é certo que investiron un 87 % máis, terá que recoñecer entón que o Partido Popular é moito mellor xestor, porque quen sofre os desprazamentos diarios pola provincia sabe que nunca se lembran así as estradas e autovías nacionais, moitas delas claramente abandonadas”, recordando como hoxe mesmo veciños da zona sur da provincia realizaron un corte da N-120, en Sober, para reclamar o arranxo inmediato desta estrada Nacional, “totalmente deteriorada e que é un perigo para a seguridade viaria”.
Ademais, Juan Serrano insta a César Mogo a detallar publicamente “onde e en que actuacións concretas se investiu esa cantidade orzamentaria da que tanto presume”.
O senador do PP de Lugo esixe a Mogo “respecto para os lucenses” xa que os datos de sinistralidade amosan a realidade das estradas do Estado ao seu paso pola provinca de Lugo. “Se o firme está en bo estado, diminúen os accidentes”, polo que Juan Serrano esixe “o mantemento adecuado das infraestruturas, xa que é unha cuestión de seguridade e de respecto aos lucenses”.
Por último, Juan Serrano pide ao senador socialista que “deixe de ser un palmeiro de Madrid e defenda a súa provincia, aínda que non resida nela e só veña de maneira ocasional”.
“Lugo necesita representantes que coñezan o territorio, que o pisen e que o defendan por riba das consignas de partido”, conclúe.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
