Mondoñedo, 2 de febreiro, 2026. O ensaísta, crítico literario e investigador Luís Alonso Girgado recibirá o Cunqueiriano de Honra 2026 o sábado 28 de febreiro, nun acto que terá lugar ás 12:00 horas no Salón de Plenos do Concello de Mondoñedo, acompañado por diversas autoridades. Será o décimo galardoado desde a creación desta distinción.
O Concello de Mondoñedo e a Casa Museo Álvaro Cunqueiro promoven este recoñecemento para destacar o labor de persoas que contribuíron á difusión e posta en valor da figura do escritor mindoniense. A comisión encargada de escoller ao homenaxeado decidiu, por maioría, distinguir a longa e sólida traxectoria de Luís Alonso Girgado, un dos principais especialistas na obra de Cunqueiro.
O xurado estivo formado por César Cunqueiro, Xosé Manuel Soutullo, Alberto García Fernández, Antonio Reigosa, Abel Vigo García, Miguel González Somovilla e Armando Requeixo.
Nado en Ferrol en 1946, Alonso Girgado é un dos ensaístas e críticos galegos máis destacados das últimas décadas. Foi catedrático de Lingua e Literatura e secretario científico do Centro Ramón Piñeiro para a Investigación en Humanidades. A súa contribución ao estudo e edición da obra cunqueiriana é extensa, con edicións de artigos, poemarios, facsímiles, epistolarios e materiais audiovisuais fundamentais para a investigación sobre o autor.
Co seu nomeamento, que inclúe figura conmemorativa e diploma acreditativo, o Concello de Mondoñedo e a Casa Museo Álvaro Cunqueiro consolidan unha traxectoria de recoñecementos que en anos anteriores distinguiu figuras como Darío Villanueva, Víctor F. Freixanes, Rexina Vega, César Antonio Molina, Manuel Lourenzo ou Claudio Rodríguez Fer, entre outros.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
