Rosana Pérez: “Ademais de advertirnos que o escenario vai ser peor que en 2023, ten pensado o Goberno do PP facer algo ou vai seguir ausente?
Santiago de Compostela, 13 de febreiro, 2026. A portavoz de Mar do BNG no Parlamento, Rosana Pérez, emprazou á Consellería a actuar de xeito inmediato contra a crise que vive o sector da pesca e o marisqueo, agravada agora polos efectos que a sucesión de temporais está a ter na perda de produtividade das rías galegas, que se prevé peor que a de 2023. “Ademais de advertirnos que as consecuencias este ano van ser peores, ten pensado o Goberno do PP facer algo ou vai seguir ausente, como nos últimos anos, diante da grave situación que atravesa o sector”?, preguntouse.
A deputada nacionalista criticou así a política de brazos cruzados da Consellería do Mar, que nin tomou medidas estruturais nin actúa agora diante dos efectos dos temporais. “Xa sabemos que a Xunta non pode evitar que choiva, pero leva 15 anos sen tomar medidas de tipo estrutural que dean resposta á baixa produtividade das rías”, ironizou.
Para dar conta da “extraordinaria” crise que afronta o sector, lembrou que, a consecuencia dos temporais do 2023, as ventas de 2024 nas lonxas galegas reducíronse un 18 % (24.000 toneladas menos de peixe e marisco), a facturación caeu un 7,5 % (30 M€ menos) e só no marisqueo a pé perdéronse 222 postos de traballo, aos que sumaron outros 128 no 2025.
Entre as actuacións de carácter estrutural que o BNG leva anos reclamando no Parlamento —sempre co voto en contra do PP—, figura a elaboración, da man do sector, os centros de investigación e as universidades galegas, dun estudo sobre as razóns desa baixa produtividade que permita tomar as medidas axeitadas para combatela.
De maneira urxente, Rosana Pérez emprazou ao Goberno do PP a elaborar un protocolo de baleirado e limpeza dos encoros que axude a minimizar os efectos na salinidade da auga. Unha reclamación, lembrou, que o sector marisqueiro vén facendo desde hai tempo e que estes días reiterou a Confraría de Noia no que ten que ver co encoro do Tambre.
Rueda, sempre coas eléctricas
“O único que están pedindo na ría de Muros a Noia é que baleiren amodo e en pleamar para non producir nin danos persoais, que xa se ten habido, nin danos aos recursos”, explicou, criticando neste punto que o Executivo de Rueda opte por “poñerse do lado das eléctricas para que sigan gañando moitos millóns de euros”. Unhas eléctricas que, subliñou, “poden baleirar cando queiran sen cubrir ningún prexuízo e sen asumir algunha responsabilidade sobre o dano feito a sectores como o marisqueiro”.
Rosana Pérez propuxo, por outra banda, a creación para o mar dun seguro colectivo, similar ao agrario, que axude ao sector a cubrir as perdas polos temporais, e urxiu así mesmo á Consellería do Mar a promover sementeiras públicas ou público privadas para o autoabastecemento e evitar que “cando queden arrasados os bancos marisqueiros” suceda o mesmo que en 2023, cando houbo que exportar masivamente a semente.
Máis recursos para a produción autóctona
A deputada do BNG puxo o foco tamén na situación que vive a frota de artes menores, que leva semanas amarrada, sen poder saír a faenar, en moitos puntos da costa galega, mentres continúan pagando os seus seguros e cargas sociais, do mesmo xeito que fai o sector marisqueiro e o miticultor, exemplificou. É por iso que o BNG insta á Consellería do Mar a dirixirse ao Goberno do Estado para “estudar as posibilidades de suspender” as cotizacións do sector desde novembro até que se “normalice” a situación.
Flexibilizar as normas dos fondos europeos “para poder cubrir dignamente as paradas biolóxicas que se van a ter que producir forzosamente” é outras das reclamacións dirixidas ao Ministerio de Pesca.
“O que lle pedimos á Xunta é que por unha vez actúe e exerza as competencias que ten”, explicou a deputada, que pediu para iso á Consellería do Mar que dea prioridade ao sector á hora de distribuír o Fondo Europeo Marítimo, de Pesca e de Acuicultura (FEMPA) “en vez de desviar millóns de euros ás grandes empresas e a facer propaganda de produto que nin sequera é galego”, criticou, lembrando que este ano a Xunta destina unha partida de arredor de 15 M€ a “feiras e eventos”.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
