A actuación está financiada con cargo ao Plan Único
Cervo, febreiro do 2026. O Concello de Cervo executa estes días unha actuación de mellora e acondicionamento do camiño rural de Tagarreiro, na parroquia de Sargadelos, cun investimento total de 48.329,58 euros, financiados a través do Plan Único.
A alcaldesa de Cervo, Dolores García Caramés, visitou a zona acompañada polo concelleiro de Zona Rural, Adrián Arias, e do pedáneo da zona, Luis Peña, e destacou que “con esta intervención seguimos a mellorar a rede viaria municipal, atendendo ás necesidades da veciñanza e garantindo uns accesos máis seguros e en mellores condicións”.
A rexedora subliñou ademais que “a conservación e mellora dos camiños rurais é unha prioridade para este goberno local, xa que son infraestruturas fundamentais para o mantemento da actividade e da calidade de vida no rural”.
A intervención céntrase na mellora do firme do camiño existente, mantendo a súa configuración actual, nun vial que dá servizo a vivendas e parcelas agrícolas da zona.
A alcaldesa, explicou que “se trata dunha actuación necesaria para mellorar o estado do camiño, actuando sobre o firme e sobre a drenaxe, co obxectivo de evitar problemas derivados da acumulación de auga e garantir unhas mellores condicións de uso”.
Os traballos inclúen a limpeza e preparación da superficie, a retirada do pavimento deteriorado e a execución dunha nova capa de rodadura. Ademais, realízanse actuacións puntuais para mellorar a evacuación das augas pluviais e reducir a escorrentía sobre o vial.
Con esta intervención, o Concello de Cervo continúa a apostar pola mellora das infraestruturas viarias no rural, reforzando a seguridade, a accesibilidade e a conservación dos camiños municipais.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
