Trabada, 3 de febreiro de 2026. O Concello de Trabada vén de remitir unha carta ao Ministerio de Transformación Digital y de la Función Pública para reclamar a inclusión das parroquias de Valboa e Ría de Abres no despregue de redes de banda ancha de alta velocidade mediante fibra óptica, ao quedar excluídas do plan executado no resto do municipio.
Nos últimos meses leváronse a cabo no termo municipal traballos de instalación de postes e cableado de fibra óptica, estando xa o servizo operativo en varias parroquias. Porén, Valboa e Ría de Abres continúan a día de hoxe sen acceso efectivo a esta infraestrutura básica, o que supón unha clara desvantaxe respecto ao resto da veciñanza do concello.
Desde o Concello sinalan que esta situación resulta especialmente inxusta, xa que se produce dentro do mesmo municipio, xerando un agravio comparativo e unha desigualdade no acceso aos servizos dixitais básicos. Ademais, a falta de conectividade limita o acceso á administración electrónica, dificulta a actividade económica e empresarial, frea o teletraballo e a educación en liña e contribúe aos procesos de despoboamento no rural.
Na carta remitida ao Ministerio, o Concello solicita que se adopten medidas urxentes e prioritarias para incluír estas dúas parroquias no Programa UNICO Banda Ancha ou noutros plans equivalentes, co obxectivo de completar o despregue da fibra óptica en todo o termo municipal de Trabada.
O alcalde, Rubén García, afirmou que “desde o Concello imos defender sempre os intereses da nosa veciñanza, vivan na parroquia que vivan”. O rexedor subliñou que “a conectividade é hoxe un servizo esencial para vivir, traballar e emprender no rural, e é unha ferramenta clave para loitar contra a perda de poboación”.
Rubén García insistiu tamén en que “o noso obxectivo é garantir a igualdade de oportunidades dixitais en todas as parroquias de Trabada, sen excepcións, e por iso imos seguir reclamando o que consideramos xusto para Valboa e Ría de Abres”.
Desde o goberno municipal confían en que o Ministerio atenda esta demanda e adopte as medidas necesarias para corrixir unha situación que consideran prioritaria e inaprazable para o futuro do concello.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
